తెలంగాణలో పార్టీ భవిష్యత్తు లేదు అని అర్థం అవుతుంది కాబట్టి మీరు వేరే పార్టీల వైపు వెళ్ళచ్చు అని చెప్పారట. ఈ నేపథ్యంలోనే టిడిపి రాష్ట్ర అధ్యక్షులు ఎల్.రమణ మారే అవకాశాలున్నాయనే ప్రచారం రాజకీయ వర్గాల్లో జరుగుతుంది. దీనికి సంబంధించి ఇప్పటికే ఆయన ఒక క్లారిటీ కూడా తెలుగుదేశం పార్టీ అధిష్టానంకు ఇచ్చారని అంటున్నారు. త్వరలోనే ఆయన పార్టీ మారే అంశానికి సంబంధించి సన్నిహితులతో అలాగే కొంత మంది అనుచరులతో సమావేశం అయి నిర్ణయం తీసుకునే అవకాశం ఉంది. 

ఆయన జగిత్యాల నుంచి ఎమ్మెల్యేగా పోటీచేసి గతంలో విజయం సాధించారు. ఇప్పుడు అక్కడ ఉన్న కార్యకర్తలతో ఆయన మాట్లాడే అవకాశాలు ఉన్నాయి. ఆయనతోపాటు మరికొంతమంది కీలక నేతలు పార్టీ మారవచ్చని అంటున్నారు. అయితే చంద్రబాబునాయుడు వాళ్ళను బీజేపీ లోకి వెళ్ళాలి అని చెప్పారని అంటున్నారు. భారతీయ జనతా పార్టీ ని దగ్గర చేసుకోవడానికి చంద్రబాబు నాయుడు ప్రయత్నాలు చేస్తున్నారు. బిజెపి నేతలు తెలంగాణలో పార్టీ బలోపేతం దిశగా అడుగులు వేస్తున్నారు. మరి ఈ రాజకీయం తెలుగుదేశం పార్టీ ఎంత వరకు కలిసి వస్తుంది ఏంటి అనేది చూడాలి. ఏది ఎలా ఉన్నా సరే ఈ పరిణామాలు దెబ్బకు తెలుగుదేశం పార్టీ కార్యకర్తలలో కూడా ఒక రకమైన నమ్మకం తెలుగుదేశం పార్టీ అధిష్టానంపై పోయింది అని అంటున్నారు.