ఈ భూముల వ్యవహారంలో రాష్ట్ర ప్రభుత్వానికి చెందిన కొంతమంది నేతలు ఇబ్బందికరంగా ప్రవర్తిస్తున్నారని ఆరోపణలు ఉన్నాయి. గిరిజనులను తరిమికొట్టడానికి ఈ మధ్య కాలంలో మహారాష్ట్ర నుంచి కూడా పులులను తెప్పించి అడవిలో వదిలి పెట్టారు అని ఆరోపణలు ఎక్కువగా ఉన్నాయి. దీంతో ఇప్పుడు మహారాష్ట్ర నుంచి వచ్చిన పులులకు సంబంధించి కూడా ఆమె ఆరా తీస్తున్నారు. తెలంగాణ గవర్నర్ ప్రజల్లోకి వెళ్లి దీని మీద కూడా అడిగే అవకాశాలు కనబడుతున్నాయి. అంతేకాకుండా ఉమ్మడి జిల్లాల పర్యటనకు వెళ్లే అవకాశాలు ఉన్నాయని తెలుస్తుంది.

దీనికి సంబంధించి త్వరలోనే ఒక షెడ్యూల్ ని కూడా రాజ్ భవన్ వర్గాలు విడుదల చేసే అవకాశాలు ఉండవచ్చని అంచనా వేస్తున్నారు. ఏది ఎలా ఉన్నా సరే ఈ పరిణామాలు మాత్రం ఆసక్తికరంగా ఉన్నాయి. అయితే ఇప్పుడు వస్తున్న వార్తల ఆధారంగా చూస్తే ఈ పర్యటన వెనుక రాజకీయ ఉద్దేశాలు కూడా ఉన్నాయని అంటున్నారు. తెలంగాణలో వాస్తవ పరిస్థితులను వివరించే విషయంలో రాష్ట్ర పార్టీ నేతలు ఘోరంగా విఫలం కావడంతో ఆమెకు బాధ్యతలు అప్పగించింది కేంద్ర నాయకత్వం అనే వ్యాఖ్యలు వినిపిస్తున్నాయి. అందుకే ఆమె రంగంలోకి దిగారని రాజకీయ వర్గాల్లో జోరుగా ప్రచారం జరుగుతోంది. వాస్తవానికి ఆమెకున్న విషయపరిజ్ఞానం రాష్ట్ర బిజెపి నేతలకు పెద్దగా ఎవరికీ లేదు. ఇప్పుడు ఆమె ప్రజల్లోకి వెళ్తే మంచి ఫలితాలు ఉంటాయని అంచనా వేస్తుంది బీజేపీ అధిష్టానం.