కీలక నేతల నియోజకవర్గాల్లో కూడా ఓటమి అనేది శ్రీకాకుళం జిల్లాలో పార్టీకి నిజంగా అవమానకరమనే చెప్పాలి. పెద్దగా అచ్చెన్న కూడా దృష్టి పెట్టలేకపోతున్నారు. నియోజకవర్గాల్లో ఆయన పర్యటనలు చేయాల్సి ఉన్నా సరే అక్కడ నేతలతో కూడా ఆయన పెద్ద చర్చలు జరిపే ప్రయత్నం చేయటం లేదు. దీని కారణంగా పార్టీ ఎక్కువ నష్టపోతుందనే ఆవేదన కొంతమందిలో వ్యక్తమవుతోంది. ఇక పార్టీ అధ్యక్షుడు అయిన తర్వాత ఆయన రాయలసీమ జిల్లాల మీద పెద్దగా దృష్టి పెట్టలేదు అని చెప్పాలి.

ఎక్కడైనా ఏదైనా ఘటన జరిగితే ఆ ఘటనకు సంబంధించి సోషల్ మీడియాలో కామెంట్లు చేయడం లేకపోతే మీడియా ముందుకు వచ్చి విమర్శలు చేయడం వంటివి మాత్రమే చేస్తున్నారు. దీనివలన పార్టీ కార్యకర్తల్లో ఆయనపై నమ్మకం అనేది పోతుంది అనే భావన చాలామంది వ్యక్తం చేస్తున్నారు. తెలుగుదేశం పార్టీ రాష్ట్ర నాయకత్వం ఇప్పుడు మారకపోతే మాత్రం భవిష్యత్తులో అనేక ఇబ్బందులు ఆ పార్టీకి వచ్చే అవకాశాలు ఉంటాయి. తెలంగాణలో తరహాలో పార్టీ తయారవుతుంది. దీంతో ఇప్పుడు చంద్రబాబు నాయుడు అచ్చెన్నాయుడుతో త్వరలోనే సమావేశమై కీలక నిర్ణయం కూడా తీసుకునే అవకాశాలు ఉన్నాయని అంటున్నారు. ఈ నేపథ్యంలో త్వరలో ఒక యాత్ర కూడా చేయించే ఆలోచనలో చంద్రబాబు నాయుడు ఉన్నారని సమాచారం. ఆయనతో పాటుగా రామ్మోహన్ నాయుడు గల్లా జయదేవ్ కూడా వెళ్లే అవకాశాలు ఉండవచ్చని అంచనా వేస్తున్నారు.