స్టీల్ ప్లాంట్ అంటే మీకు లాభనష్టాలు వ్యవహారం కానీ ఆంధ్రులకు విశాఖ ఉక్కు అంటే ప్రాణం అని ఆయన వ్యాఖ్యలు చేసారు. విశాఖ ఉక్కు నష్టాల్లో ఉంది అని ప్రచారం చేస్తున్నారు అని ఆయన ఆరోపించారు. అది అవాస్తవం అన్నారు. స్టీల్ ప్లాంట్ లాభాల్లోనే ఉంది.విస్తరణలో భాగంగా పెట్టిన పెట్టుబడులు చూపించి నష్టం వచ్చింది అనే అసత్య ప్రచారం చేస్తున్నారు అని ఆరోపణలు చేసారు. విశాఖ ఉక్కు ప్రైవేటికరణ చేస్తుంటే 151 మంది ఎమ్మెల్యేలు,28 ఎంపీలు ఎం చేస్తున్నారు ?గాడిదలు కాస్తున్నారా? అని నిలదీశారు. 

కేంద్రాన్ని నిలదీసే దమ్ము జగన్ రెడ్డికి లేదు అని ఆయన వ్యాఖ్యానించారు. ఉక్కు ప్రైవేటికరణ అడ్డుకోలేని జగన్ రెడ్డి హోదా ఎం సాధిస్తాడు అని నిలదీశారు. కేసుల మాఫీ కోసం జగన్ రెడ్డి లాలూచీ పడ్డాడు అని తీవ్ర విమర్శలు చేసారు. టిడిపి అధికారంలో ఉన్నప్పుడు విశాఖ కలకలలాడేది అన్నారు. ఐటి కంపెనీలు,నిత్యం ఏదో ఒక కార్యక్రమం నిర్వహించే వాళ్ళం అని ఆయన పేర్కొన్నారు. ఇప్పుడు ప్రశాంతంగా ఉండే విశాఖ లో అరాచకం సృష్టిస్తున్నారు అని మండిపడ్డారు. కబ్జాలు,దౌర్జన్యం,విధ్వంసం,దాడులతో విశాఖలో ప్రశాంతత లేకుండా చేశారు అని ఆయన ఆరోపించారు. విజయలక్ష్మి గారిని ఓడించారు అనే కక్షతోనే విశాఖ ఉక్కు ప్రైవేటికరణకు జగన్ రెడ్డి అంగీకరించారు అన్నారు.