ముఖ్యంగా చంద్రబాబు నాయుడు వైఖరి కారణంగా ఈ రెండు జిల్లాల్లో కీలక నేతలు అందరూ కూడా పార్టీకి దూరమయ్యారు. ప్రధానంగా పార్లమెంటు అధ్యక్షులు ఎంపిక విషయంలో సీనియర్ నేతలకు ప్రాధాన్యత ఇవ్వడంతో చాలా మంది కొత్తగా వచ్చిన వాళ్ళు ఇబ్బందులు పడుతున్నారు. పార్టీ కోసం దాదాపు 20 ఏళ్ల నుంచి కష్టపడుతున్న నేతలకు ఎలాంటి ప్రాధాన్యత ప్రభుత్వంలో గానీ ప్రతిపక్షంలో గాని ఉన్న పరిస్థితి లేదు. అందుకే ఇప్పుడు వాళ్లు వేరే పార్టీలవైపు చూస్తున్నారని అంటున్నారు.

అందుకే స్థానిక సంస్థల ఎన్నికల్లో తెలుగుదేశం పార్టీ రెండు జిల్లాల్లో ఘోరంగా ఓడిపోయింది అనే వ్యాఖ్యలు వినిపిస్తున్నాయి. అగ్ర నేతల నియోజకవర్గాల్లో కూడా తెలుగుదేశం ప్రభావం చూపించ లేక పోవడం ఎమ్మెల్యేలు గెలిచిన నియోజకవర్గాల్లో కూడా కీలక పంచాయతీలను వైసీపీ కైవసం చేసుకోవడం అనేది ఇప్పుడు తెలుగుదేశం పార్టీకి ఇబ్బందికరంగా మారింది అని చెప్పాలి. మరి భవిష్యత్ లో తెలుగుదేశం పార్టీ బలంగా ప్రజల్లోకి వెళ్తున్నదా లేదా అనేది చూడాలి. ఏది ఎలా ఉన్నా సరే ఈ విషయంలో పార్టీ అధినేత చంద్రబాబునాయుడు దృష్టి పెట్టకపోతే మాత్రం ఖచ్చితంగా ఇబ్బందికర పరిణామాలు ఉండే అవకాశాలు ఉంటాయి. ఇక పార్టీ సీనియర్ నేతలు తమ పార్టీ కి అన్ని తామే అనుకునే విధంగా వ్యవహరిస్తున్నారు.