ఈ వినూత్న కార్యక్రమంలో భాగంగా ఐటీసీ.. నిరుద్యోగ యువతకు శిక్షణ ఇచ్చి, తగిన ఉపాధి అవకాశాలు కల్పించేందుకు కృషి చేస్తోంది. అయితే కంపెనీ సోషల్ రెస్పాన్సిబిలిటీలో భాగంగా ఐటీసీ ఎంఎస్‌కే పేస్ ఫౌండేషన్, ప్రథమ్ ఎడ్యుకేషన్ ఫౌండేషన్‌తో కలసి ఇలా నిరుద్యోగ యువతకు శిక్షణ ఇచ్చి, ఉపాధి అవకాశాలు కల్పిస్తోంది. నిరుద్యోగ యువతకు ప్రధానంగా ఎలక్ట్రికల్, బ్యూటీషియన్ వంటి క్రేజీ కోర్సులలో రెండు నెలల పాటు శిక్షణను ఇస్తోంది. ఇక ఈ రెండు నెలల ఉచిత శిక్షణ అనంతరం వారికి సర్టిఫికెట్ అందించి.. ప్రముఖ కంపెనీల్లో ఉద్యోగావకాశాలు కూడా కల్పిస్తోంది. అయితే రెండు తెలుగు రాష్ట్రాల్లోని యువతీయువకులు వీటికి సంబంధించిన శిక్షణా కేంద్రంలో చేరవచ్చని ట్రైనింగ్ సెంటర్ ప్రతినిధి ఆర్‌.ఉప్పల్ తెలిపారు. భద్రాద్రి కొత్తగూడెం జిల్లాలోని భద్రాచలం, బూర్గంపాడులో శిక్షణ కేంద్రాలు ఉన్నాయని.. ఆసక్తి కలిగిన అభ్యర్థులు సంప్రదించవచ్చని తెలియజేశారు.

భద్రాద్రి కొత్తగూడెం జిల్లాలోని ఏజెన్సీ ప్రాంతాలు, మావోయిస్టు ప్రభావిత ప్రాంతాల్లోని యువతలో చైతన్యం నింపేందుకు.. శిక్షణ కార్యక్రమాలను వినియోగించుకునేలా ప్రోత్సహించేందుకు సహకరించాలని కోరుతూ ట్రైనింగ్ సెంటర్ ఇన్‌చార్జి నరేష్ కుమార్ నటేషన్, ఆర్.ఉప్పల్ జిల్లా ఎస్పీ సునీల్ దత్‌ని కలిశారు. ఉచిత వసతి సదుపాయాలు కల్పించడంతో పాటు ఉచిత శిక్షణ అందజేస్తామని.. వంద శాతం ఉద్యోగావకాశాలు కల్పిస్తామని తెలియజేశారు. అదనంగా స్పోకెన్ ఇంగ్లీష్, సాఫ్ట్ స్కిల్స్, కంప్యూటర్ స్కిల్స్ నేర్పిస్తారు. ప్రతి నెలా 15 వ తేదీ నుంచి 1వ తేదీ వరకు అడ్మిషన్స్ నిర్వహిస్తారు. పూర్తి వివరాలకు 97015 91483, 83412 57200 నంబర్లలో సంప్రదించాలని తెలియజేశారు.

అర్హతలు..

1. కనీసం 18 సంవత్సరాల నుంచి 30 ఏళ్లలోపు వారు
2. ఎనిమిదో తరగతి, నుంచి డిగ్రీ (ఏదైనా పాస్/ఫెయిల్)
3. ఆధార్ కార్డ్ జిరాక్స్, స్టడీ సర్టిఫికెట్
4. అడ్మిషన్ ఫీజు లేదు