బాలయ్యతో గతంలో తీసిన సింహ సినిమాకి వస్తే అందులో నయనతార లీడ్ హీరోయిన్ గా ఉండగా నమిత, స్నేహ ఉల్లాల్ ఇద్దరిని కూడా నటింప చేశారు. ఇక్కడ నయనతార క్రేజ్ వున్న హీరోయిన్గా గా మిగతా ఇద్దరూ అప్పటికే ఫేడవుట్ అయిపోయిన హీరోయిన్స్. లెజెండ్ సినిమా విషయానికి వచ్చినా సరే అందులో రాధిక ఆప్టే సోనాల్ చౌహాన్ ఇద్దరినీ ఫిమేల్ లీడ్స్ గా తీసుకున్నాడు. ఒక రకంగా అప్పటికి రాధిక ఆప్టే తెలుగులో మంచి సినిమాలు చేస్తూ ఫామ్ లో ఉంది. అయితే ఈ సినిమాకి అలా ఒక లీడింగ్ హీరోయిన్ తీసుకోవడానికి బోయపాటి చాలా ప్రయత్నాలు చేసినా అవేవి వర్కవుట్ కాలేదు. 

ప్రస్తుతం బాలయ్యతో బోయపాటి తెరకెక్కిస్తున్న ఈ సినిమాలో బాలయ్య ప్రజ్ఞా జైస్వాల్ అలాగే పూర్ణ ఇద్దరితో కలిసి నటించనున్నారు. బోయపాటి స్టార్ హీరోయిన్ ను నటింపజేసేందుకు ఆమెను చూసిన ఎవరు బాలయ్య తో సినిమా చేయడానికి ప్రస్తుతానికి రెడీగా లేరు.  పోనీ ఎవరో ఒక హీరోయిన్ చేత ఐటెం సాంగ్ చేయించాలన్నా బడ్జెట్ భారీగా పెరిగిపోయే పరిస్థితి ఏర్పడింది. ఇప్పుడు నిర్మాత అంత బడ్జెట్ పెట్టలేనని చెప్పేస్తున్నాడు. సో ఈ విషయంలో బోయపాటి కాస్త అసంతృప్తిగానే ఉన్నాడని అంటున్నారు. మ్యూజికల్ సెన్సేషన్ తమన్ సంగీతం అందిస్తున్న ఈ సినిమాని మిరియాల రవీందర్ రెడ్డి నిర్మిస్తున్న సంగతి తెలిసిందే.