దీనివలన చాలామందికి నష్టం జరుగుతుందని కూడా ఆయన ఆరోపిస్తున్నారు. అయితే ఇప్పుడు రాష్ట్ర ఆర్థిక పరిస్థితి విషయంలో చంద్రబాబు నాయుడు కేంద్ర ప్రభుత్వానికి ఫిర్యాదు చేసే ఆలోచనలో ఉన్నట్లుగా తెలుస్తుంది. రాష్ట్రంలో ఆర్థికంగా చాలా వరకు ఇబ్బందులు ఉన్నాయని అప్పులు చేస్తూ సంక్షేమ కార్యక్రమాలు అమలు చేయడం వలన భవిష్యత్తులో ఏ ప్రభుత్వాలు ఏర్పడిన సరే మనుగడ సాగించడం చాలా కష్టంగా ఉంటుంది అని కేంద్రం పెద్దలు దృష్టికి వివరాలతో సహా తీసుకెళ్లి ఆలోచనలో ఉన్నారని అంటున్నారు.

అయితే ముఖ్యమంత్రి జగన్ ఈ విషయంలో పునరాలోచనలో పడినట్లు స్పష్టంగా అర్థమవుతుంది. ఇప్పటికే ప్రజల్లో వ్యతిరేకత పెరుగుతుంది అనే విషయాన్ని గ్రహించిన ముఖ్యమంత్రి జగన్ కొన్ని కీలక సంక్షేమ కార్యక్రమాలు మాత్రమే అమలు చేసే దిశగా అడుగులు వేస్తున్నారు. ప్రజలకు డబ్బులు ఇచ్చి తన వైపు తిప్పుకోవాలని భావించిన ముఖ్యమంత్రి జగన్ కు స్థానిక సంస్థల ఎన్నికలు ఊహించని దెబ్బ కొట్టాయి. దీంతో ఇప్పుడు ముఖ్యమంత్రి జగన్ లో కూడా ఒక రకమైన ఆందోళన వ్యక్తమవుతోంది. పార్టీ సీనియర్ నేతలతో కూడా త్వరలోనే ఆయన సమావేశం కానున్నారు. చంద్రబాబునాయుడు కేంద్ర ప్రభుత్వానికి ఫిర్యాదు చేస్తే మాత్రం ఈసారి కేంద్ర ప్రభుత్వం సీరియస్గా తీసుకునే అవకాశాలు ఉండవచ్చు అని అంటున్నారు. ఎన్నికల్లో వైసీపీ ఓటమికి భారతీయ జనతాపార్టీ కూడా విస్మయం వ్యక్తం చేసింది. కాబట్టి వైసీపీని పక్కన పెట్టే అవకాశాలు ఉండవచ్చని అంటున్నారు.