ఇక బీజేపీ జాతీయ అధ్యక్షుడు కూడా ఇప్పుడు ఆంధ్రప్రదేశ్ మీద పెద్దగా దృష్టి పెట్టడం లేదు అని ప్రచారం కూడా రాజకీయ వర్గాల్లో ఎక్కువగా జరుగుతుంది. 2019 ఎన్నికల తర్వాత ఆంధ్రప్రదేశ్ లో భారతీయ జనతా పార్టీ పూర్తిగా నాశనం అయిపోయింది అనే విషయం స్పష్టంగా అర్థమవుతుంది. ప్రజలలో ఆ పార్టీపై తీవ్రస్థాయిలో వ్యతిరేకత వచ్చింది. 2014 తర్వాత రాష్ట్రానికి నిధులు ఏమి ఇవ్వకపోగా ప్రత్యేక హోదా కూడా అమలు కాకపోవడంతో ప్రజల్లో ఆగ్రహం పెరిగిపోతుంది. రాష్ట్రాన్ని అన్ని విధాలుగా అన్యాయం చేస్తూ ఉత్తరాది రాష్ట్రాలకు న్యాయం చేస్తోంది అని ఆరోపణలు ఎక్కువగా వినపడుతున్నాయి. 

ప్రస్తుతం రాష్ట్రానికి రావాల్సిన నిధులు విషయంలో కూడా ఆ పార్టీ నేతలు ఎలాంటి ముందడుగు వేయలేకపోతున్నారు. ప్రజల్లోకి వెళ్లి కొన్ని వాస్తవాలను వివరించలేని పరిస్థితుల్లో కూడా రాష్ట్ర భారతీయ జనతా పార్టీ నేతలు ఉన్నారు అనే వార్తల నేపథ్యంలో ఇప్పుడు బీజేపీ అధిష్టానం రాష్ట్రంలో కీలక మార్పులు చేసే అవకాశాలున్నాయంటున్నారు. త్వరలోనే రాష్ట్ర పార్టీ అధ్యక్షుడుని మార్చడమే కాకుండా రాష్ట్ర వర్కింగ్ ప్రెసిడెంట్ గా కూడా ఒక కీలక నేతను నియమించే ఆలోచనలో భారతీయ జనతా పార్టీ అధిష్టానం ఉందని ప్రచారం రాజకీయ వర్గాల్లో జరుగుతోంది. మరి ఎవరిని నియమిస్తుంది ఏంటనే దానిపై త్వరలోనే స్పష్టత రానుంది.