ఈ రెండు జిల్లాల్లో కూడా అధికార పార్టీని ప్రజలు ఆదరించడంతో ఇప్పుడు ప్రతిపక్షాలు అమరావతి ఉద్యమం విషయంలో ఆలోచించాల్సిన అవసరం ఉంది. ఇటీవల అమరావతి ఉద్యమం ఎత్తుకున్న బీజేపీ రాష్ట్ర అధ్యక్షుడు సోము వీర్రాజు మరి భవిష్యత్తులో ఎలాంటి వ్యాఖ్యలు చేస్తారు ఏంటి అనేది చూడాలి. బిజెపి రాష్ట్ర స్థాయి నేతలు కూడా కొంతమంది అమరావతి ఉద్యమానికి మద్దతు ఇస్తూ టీవీ సమావేశాల్లో పదేపదే మాట్లాడుతున్నారు. అమరావతి ఉద్యమానికి ప్రజల్లో అనుకున్న విధంగా మద్దతు లేదు అని కాబట్టి జాగ్రత్త పడకపోతే మాత్రం బీజేపీ కూడా నష్టపోయే అవకాశాలు ఉంటాయని అంటున్నారు.

అయితే విశాఖ జిల్లాలో మాత్రం తెలుగుదేశం పార్టీ సహా పలు విపక్షాలు ప్రభావం చూపించాయి. అధికార పార్టీ ఉత్తరాంధ్ర జిల్లాల్లో ఇబ్బందులు పడింది. రాబోయే మున్సిపల్ ఎన్నికల్లో కూడా ఇక్కడ అంతగా ప్రభావం చూపించే అవకాశాలు ఉండకపోవచ్చు. కాబట్టి ఉత్తరాంధ్ర జిల్లాల మీద దృష్టి పెట్టాల్సిన అవసరం ఉందని అంటున్నారు. మరి ఎంత వరకు ఇక్కడ అధికార పార్టీని కట్టడి చేసి ప్రజల్లోకి వెళ్తారు ఏంటి అనేది చూడాలి. ఏది ఎలా ఉన్నా సరే అమరావతి ఉద్యమం మాత్రం నీరుగారిపోయింది అనే విషయం స్పష్టంగా అర్థమవుతుంది.