జయలలిత మీద ప్రజల అభిమానం ఉన్న సరే అన్నా డీఎంకే పార్టీని భారతీయ జనతా పార్టీ ముందుకు నడిపిస్తుంది అనే భావనాలో అక్కడి ప్రజలు ఉన్నారు. కార్యకర్తలకు కూడా భారతీయ జనతా పార్టీ పై ఆగ్రహం పెరిగిపోతుంది. రాష్ట్ర ప్రభుత్వం ఏ నిర్ణయం కూడా స్వేచ్ఛగా తీసుకోలేని పరిస్థితుల్లో ఉంది అని అంటున్నారు. దీని కారణంగా ఎన్నికల్లో ప్రజలు కూడా దూరం అయ్యే అవకాశాలు ఉన్నాయని అంచనా వేస్తున్నారు. ముఖ్యంగా ముఖ్యమంత్రి భారతీయ జనతా పార్టీ అధిష్టానం చెప్పినట్టుగా నిర్ణయాలు తీసుకుంటున్నారని ఆరోపణలు ఉన్నాయి. 

అభ్యర్థుల ఎంపిక విషయంలో కూడా నియోజకవర్గాలలో అదే జరుగుతుందని కార్యకర్తలలో ఆగ్రహం పెరిగిపోతుంది. దీనిపై డిఎంకె వర్గాలు కూడా కాస్త సీరియస్గా దృష్టి సారించాయి. డీఎంకే అధినేత స్టాలిన్ దీనికి సంబంధించి ఇప్పటికే కొన్ని నివేదికలు కూడా తెప్పించుకున్నారని టాక్. నియోజకవర్గాల్లో భారతీయ జనతా పార్టీ అభ్యర్థులను ఎంపిక చేస్తుంది అనేదానిమీద ఆయన ఆరా తీస్తున్నారని అంటున్నారు. ఏది ఎలా ఉన్నా సరే భవిష్యత్ పరిణామాలు మాత్రం తమిళనాడులో కాస్త కీలకంగా మారే అవకాశాలున్నాయి. దీనిపై కాంగ్రెస్ పార్టీ కూడా చాలా జాగ్రత్తగా గమనిస్తూ ముందుకు వెళ్తుంది. అన్నాడిఎంకే విషయంలో బీజేపీ అతి జోక్యాన్ని ప్రజలు కూడా సహించే పరిస్థితి లేదు అని కూడా అంటున్నారు. డీఎంకే పార్టీ కాంగ్రెస్తో పొత్తు లో ఉన్న సరే ఎప్పుడు కూడా కాంగ్రెస్ పార్టీ డీఎంకే వ్యవహారాల్లో జోక్యం చేసుకోలేదు.