అయితే పవన్ కళ్యాణ్ జనసేన పార్టీలో ఒక సర్వే నిర్వహిస్తున్నట్లు సమాచారం. కార్యకర్తలు అభిప్రాయాలను పవన్ కళ్యాణ్ త్వరలోనే సేకరించి ఒక కీలక నిర్ణయాన్ని తీసుకునే అవకాశం ఉందని అంటున్నారు. భారతీయ జనతా పార్టీతో కొనసాగడం వల్ల ఎలాంటి ఉపయోగం అయినా నియోజకవర్గాల్లో గాని రాష్ట్ర స్థాయిలో పార్టీ ఉందా అనే అభిప్రాయాన్ని ఆయన కార్యకర్తల ద్వారా తెలుసుకునే అవకాశాలు ఉన్నాయని రాజకీయ వర్గాలు అంటున్నాయి. దీనికి సంబంధించి త్వరలోనే ఆయన పార్టీ కీలక నేతలతో ఒక సమావేశం నిర్వహించి... ఈ సర్వే నిర్వహించాలని దీనిని సోషల్ మీడియా ద్వారా నిర్వహించాలని ఆయన భావిస్తున్నట్టు సమాచారం. 

చాలా వరకు ఇబ్బందులు పడుతూ వస్తోంది జనసేన పార్టీ. భారతీయ జనతా పార్టీ వైఖరి కారణంగా ఇబ్బందులు మరింత తీవ్రమవుతున్నాయి. త్వరలోనే పవన్ కళ్యాణ్ సర్వే నిర్వహించి జనసేన పార్టీ నాయకత్వంలో కూడా మార్పులు చేసే అవకాశం ఉందని అంటున్నారు. ఇక టీడీపీ తో కలిసి పవన్ ముందుకు తీసుకెళ్తారా లేదా అనేది స్పష్టత రావాల్సి ఉంది. ఏది ఎలా ఉన్నా సరే రాష్ట్రంలో పోరాటం చేసే విషయంలో జనసేన బాగా వెనుకబడి ఉంది. రాష్ట్ర ప్రభుత్వాన్ని విమర్శించే విషయంలో కూడా బీజేపీ నేతల అభిప్రాయాలను తీసుకుని జనసేన పార్టీ నేతలు ముందుకు వెళుతున్నారనే ఆరోపణలు ఎక్కువగా వినబడుతున్నాయి.