చిత్తూరు, గుంటూరు జిల్లాల్లోని ఏకగ్రీవ ఫలితాలను ప్రకటించవద్దని ముందు చెప్పిన నిమ్మగడ్డ రెండు రోజుల తర్వాత వాటికి ఓకే చెప్పేశారు. దాంతో అప్పటి నుండి చంద్రబాబు మండిపోతున్నారు. అంతకుముందు ప్రభుత్వానికి నిమ్మగడ్డ మధ్య వివాదాలు రేగినపుడు చంద్రబాబు కమీషనర్ కే మద్దతుగా నిలబడ్డారు. తప్పు కమీషనర్ దే అయినా చంద్రబాబు మాత్రం ప్రభుత్వంపైనే ఆరోపణలు చేశారు. అలాంటిది ఇపుడు హఠాత్తుగా ఎన్నికల నిర్వహణపై రెచ్చిపోవటంతో పాటు ఏకంగా రాష్ట్రపతి, కేంద్రఎన్నికల కమీషనర్, కేంద్రహోంశాఖ మంత్రికి ఫిర్యాదులు చేయటమంటే నిమ్మగడ్డకు షాక్ కొట్టినట్లే లెక్క. సరే చంద్రబాబు ఫిర్యాదుతో ఏమవుతుందన్నది వేరే సంగతి. ఏదేమైనా నిమ్మగడ్డకు చంద్రబాబు ఫిర్యాదు చేయటమే ఆశ్చర్యంగా ఉంది.