న్నికల్లో ఎవరు పోటీ చేస్తారు ఏంటనే దానిపై ఇంకా జనసేన భారతీయ జనతా పార్టీకి స్పష్టత రాలేదు. దాదాపుగా బీజేపీ అభ్యర్థి పోటీ చేసే అవకాశాలు ఉన్నాయని అంటున్నారు. ఇటీవల ఢిల్లీ పర్యటనకు వెళ్లిన పవన్ కళ్యాణ్ కూడా దీనిపై స్పష్టత లేదని కేంద్ర హోం మంత్రి తో మరోసారి సమావేశం నిర్వహించిన తర్వాత ఆయన అసలు విషయాన్ని చెబుతానని అన్నారు. దీనిపై జనసేన పార్టీ వర్గాలు కూడా ఆసక్తిగా ఎదురుచూస్తున్న పరిస్థితి. వాస్తవానికి జనసేన పార్టీ అభ్యర్థి పోటీ చేస్తే మంచి ఫలితం ఉండే అవకాశం ఉంటుంది.

 రాజకీయంగా దీనిపై చాల చర్చలు జరుగుతున్నాయి. ఆంధ్రప్రదేశ్ లో అధికార పార్టీని ఇబ్బంది పెట్టాలి అంటే కొన్ని కొన్ని నిర్ణయాలు తీసుకోవాల్సిన అవసరం ఉంటుంది. తిరుపతి ఉప ఎన్నికల్లో భారతీయ జనతా పార్టీ గనుక పోటీ చేస్తే అధికార పార్టీ అవకాశం ఇచ్చినట్లు ఉంటుందనే భావన జనసేన పార్టీ వర్గాలు వ్యక్తం చేస్తున్నాయి. ఈ నేపథ్యంలో బిజెపి జాతీయ అధ్యక్షుడు త్వరలోనే రాష్ట్రానికి వచ్చి అందరి అభిప్రాయాలను కూడా తీసుకునే అవకాశాలు ఉన్నాయని టాక్. బిజెపి రాష్ట్ర స్థాయి నేతలహో ఆయన నేరుగా సమావేశమై దానిపై నిర్ణయం తీసుకుంటారు అని టాక్.