ఆవిధంగా అప్పుడు హుజూర్ నగర్ నియోజకవర్గానికే పరిమితమయ్యారని.. అయితే ఈసారి మాత్రం మరింతగా డోసు పెంచి జిల్లా మొత్తంపైనే వరాల జల్లు కురిపించారన్న విమర్శలు వినిపిస్తున్నాయి. హుజూర్ నగర్‌ ఉప ఎన్నిక సందర్భంగా నియోజకవర్గంలోని వందకి పైగా పంచాయతీలకు రూ.20 లక్షలు, మండల కేంద్రాలకు రూ.30 లక్షలు, మున్సిపాలిటీకి ఏకంగా రూ.25 కోట్లు ఇస్తానని హామీ ఇచ్చారని గుర్తు చేస్తున్నారు. నాలుగు రోజుల కిందట జరిగిన హాలియా సభలోనూ ఇంచుమించు అవే హామీలు ఇచ్చారన్న విమర్శలొస్తున్నాయి. జిల్లాలోని ఒక్కో పంచాయతీకి రూ.20 లక్షలు, నల్గొండకు రూ.10 కోట్లు, మిర్యాలగూడకి రూ.5 కోట్లు, మిగిలిన మున్సిపాలిటీలకు కోటి చొప్పున ఇస్తామని హామీలు ఇచ్చారని చెప్పుకుంటున్నారు. గత ఎన్నికల సమయంలో కుర్చీ వేసుకుని కూర్చుని అయినా కృష్ణపట్టి నీరిస్తామని చెప్పారని.. ఇప్పుడు ఎడమ కాలువ నుంచి చివరిక ఎకరా వరకూ నీళ్లు వచ్చేట్టు చేస్తామన్నారట. 'ఎన్నికలు మారాయి కానీ హామీలు మాత్రం ఏం మారలేదు' అంటూ సెటైర్లు వేస్తున్నారు.