వైకాపాకు నిజాయితీగా ఎన్నికల జరిపే దమ్ముందా? అని ఆయన నిలదీశారు. జగన్ కు ప్రజల్లో చరిష్మా ఉంటే ఏకగ్రీవాలకు ఎందుకు వెళుతున్నారు అని ఆయన ప్రశ్నించారు. పుంగనూరు, మాచర్లలో బలవంతపు ఏకగ్రీవాల రద్దుచేసి ఎన్నికలు నిర్వహించే దమ్ము వైకాపా కు ఉందా? అని ఆయన సవాల్ చేసారు. తెదేపా బలపరిచి గెలిచిన అభ్యర్ధులను మేం ప్రదర్శనకు పెడుతాం అని ఆయన అన్నారు. మీరు 2640 మందితో తాడేపల్లి లో పెట్టగలరా? అని సవాల్ విసిరారు. 6093 అని కొడితే జగన్ చరిష్మా గురించి గూగుల్ చెప్తుంది అని అన్నారు. 

చిన్నాన్న హత్యపై సీబీఐ విచారణ ఉపసంహరణతోనే మీ చరిష్మా ఎంటో బహిర్గతమైంది అని ఆయన ఎద్దేవా చేసారు. అధికారంలోకి వచ్చాక షర్మిల జగనన్న వదిలేసిన బాణం అయింది అని ఆయన ఆరోపించారు. చంద్రబాబు ఫోబియా పట్టుకున్న నేతలు ఓటమి భయంతో వణికిపోతున్నారు అని అన్నారు. పోలీసుల్ని అడ్డంపెట్టుకుని అధికార యంత్రాంగాన్ని బెదిరించి ఎన్నికల్లో పోటీచేసిన మీరు జీరోలు అని ఆయన ఆరోపించారు. దమ్ము, ధైర్యంతో కుట్రలు, బెదిరింపులను తట్టుకుని పోటీ చేసిన తెదేపా అభ్యర్థులు హీరోలు అని అన్నారు. ఒకరు చెప్పిన అబద్దం మరొకరు చెప్పకుండా అబద్ధాలతో ఎదురుదాడి చేస్తున్నారు అని ఆయన మండిపడ్డారు. కేంద్ర బలగాలు, మీడియా సమక్షంలో పుంగనూరు లో ఎన్నికల నిర్వహణకు సిద్ధమా? అని సవాల్ చేసారు.