క్షేత్రస్ధాయిలో ఎన్నికల కోడ్ అమలవడం ద్వారా అందరికీ సమాన అవాకాశాలు ఉండేలా కమిషన్ చూస్తుంది అని తెలిపింది. రాజ్యాంగంపై ప్రమాణం చేసి మంత్రి అయిన వ్యక్తి మరో రాజ్యాంగ సంస్ధపై ఈ విధంగా దాడి చేయడం సమంజసం కాదు అని అభిప్రాయపడింది. గతంలో కూడా‌ మంత్రి కొడాలి నాని ఎన్నికల కమిషనర్ పై నోటి దురుసును ప్రదర్శించిన సంయమనం పాటించాం అని ఎన్నికల కమీషన్ పేర్కొంది. గతంలో ఆయన ఎన్నికల కమిషన్ పై చేసిన దూషణ లకు సంబంధించి పేపర్ కటింగ్స్ జత చేస్తున్నాం అని ఎన్నికల కమీషన్ పేర్కొంది. 

మంత్రి కొడాలి నాని వ్యాఖ్యలపై గవర్నర్ కు ఫిర్యాదు చేశాం..ఆధారాలు సమర్పించాం అని వివరించింది. ఎన్నికల కమిషనర్ ను ప్రతిపక్ష నేతను కుట్రదారులుగా అభివర్ణించారు అని ఎన్నికల కమీషన్ పేర్కొంది. ఇక కొడాలి నానిపై ఎస్ ఈసీ ఆంక్షలు విధించింది. ఈ నెల 21 వరకూ ఎలాంటి మీడియా సమావేశాలు నిర్వహించకూడదని ఆదేశాలు ఇచ్చింది. ప్రెస్ మీట్ లతో పాటు ఎలాంటి మీటింగ్ లలో పాల్గొనకూడదని ఆదేశాలు జారీ చేసింది. కృష్ణా జిల్లా కలెక్టర్,ఎస్పీలను కొడాలి నానిపై పర్యవేక్షణ చేయాలని ఆదేశాలు ఇచ్చింది. కొడాలి నాని ఇచ్చిన షో కాజ్ వివరణ పై అసంతృప్తి వ్యక్తం చేసింది ఎన్నికల సంఘం.