కే జి ఎఫ్ మొదటి భాగం ఎలాంటి అంచనాలు లేకుండా వచ్చి భీభత్సమైన హిట్ అయి పోయింది. ఈ సినిమా హిట్ కావడంతో హీరో యష్ అలాగే దర్శకుడు ప్రశాంత్ నీల్ ఇద్దరి రేంజ్ పెరిగిపోయింది. యష్ తో శంకర్ సినిమా చేయడానికి ప్రయత్నిస్తున్నాడని ప్రచారం జరుగుతుండగా ప్రశాంత్ నీల్ అయితే ఏకంగా బాహుబలి ప్రభాస్ తో సినిమా చేసే ఛాన్స్ కొట్టేశాడు. అయితే ఇలాంటి వారందరి మధ్య శ్రీనిధి శెట్టికి మాత్రం అనుకున్నంత పేరు రాలేదు అని చెప్పొచ్చు. అయితే కేజీఎఫ్ వలన ఆమెకు కూడా మంచి క్రేజ్ లభించిందట. 

బాగా డిమాండ్ పెరిగి మంచి మంచి ఆఫర్ లు కూడా వచ్చాయట. కానీ కేజిఎఫ్ తెచ్చి పెట్టిన క్రేజ్ అంతా కేజిఎఫ్ సీక్వెల్ డిస్టర్బ్ చేసినట్లు చెబుతోంది.  ఈ సినిమాలో హీరోయిన్ గా నటించడం కోసం దాదాపుగా ఆమె ఏడు సినిమాలను వదులుకున్న విషయాన్ని ఆమె చెప్పుకొచ్చింది. 3 కన్నడ, రెండు తమిళ, రెండు తెలుగు సినిమాలలో ఆఫర్ లు వచ్చి ఈమె డేట్స్ ఖాళీ లేకపోవడంతో వెళ్ళిపోయాడట. ఇక కే జి ఎఫ్ 2 భారీ హిట్ అవుతుందనే నమ్మకంతో ఉంది ఈ భామ. ఆ తర్వాత అయినా తనకు మంచి అవకాశాలు లభిస్తాయని భావిస్తోంది. చూడాలి మరి ఏమవుతుందో ?