మంత్రి కొడాలి నాని స్వగ్రామంలోనే ఆయన బలపరిచిన అభ్యర్థి ప్రతిపక్ష టీడీపీ బలపరిచిన అభ్యర్థి చేతిలో ఓటమిని చవిచూడటం తో అక్కడి టీడీపీ నాయకులు, కార్యకర్తలు పెద్ద ఎత్తున భారీగా పండగ చేసుకుంటున్నారు. గతంలో తమ పార్టీ నాయకులను మంత్రి కొడాలి నాని తిట్టడాన్ని యలమర్రు గ్రామస్థులు జీర్ణించుకోలేక పోయారని, అందుకే కొడాలి నాని బలపర్చిన అభ్యర్థిని దారుణంగా ఈ ఎన్నికల్లో ఓడించి, తగినవిధంగా బుద్ధి చెప్పినట్లుగా పలువురు స్థానిక టీడీపీ నేతలు ఎద్దేవా చేస్తున్నారు. మంత్రి కొడాలి నాని సొంత ఊరిలో టీడీపీ జెండా ఎగరడంతో టీడీపీ కార్యకర్తలు సోషల్ మీడియాను ఒక రేంజ్ లో హోరెత్తిస్తున్నారు. సరికొత్త ట్వీట్లతో ట్విట్టర్‌లో ట్రెండ్ సెట్ చేస్తున్నారు. ఇక మరోవైపు రాష్ట్రవ్యాప్తంగా చూసుకుంటే, వైసీపీ బలపరిచిన అభ్యర్థులు మెజారిటీ స్థానాల్లో గెలుపొందారు. అయితే టీడీపీ కేవలం తనకు పట్టున్న ప్రాంతాల్లో మాత్రమే గణనీయంగా స్థానాలను కైవసం చేసుకుంది.