దీనికి ప్రధాన కారణం ప్రభాస్ కు ప్రస్తుతం మార్కెట్ లో ఉన్న క్రేజ్ అని కూడా చెప్పాలి. విషయం ఏంటంటే ప్రస్తుతం కొరటాల చిరంజీవితో ఆచార్య అనే సినిమా చేస్తున్నాడు. ఈ సినిమా పూర్తయ్యాక ఆయన ప్రభాస్ తో ఈ సినిమా చేయబోతున్నాడనే ప్రచారం మొదలైంది. నిజానికి కొరటాల శివ ప్రభాస్ నటించిన మిర్చి సినిమాతో దర్శకుడిగా తెలుగు తెరకు పరిచయం అయ్యాడు. అప్పటి నుంచి కొరటాలశివ చేసిన అన్ని సినిమాలు దాదాపుగా హిట్ అవుతూనే వస్తున్నాయి. 

అందుకే ఆచార్య సినిమా చేశాక తనకు దర్శకుడిగా ఛాన్స్ ఇచ్చిన ప్రభాస్ తో ఒక సినిమా చేయాలని ఆయన భావిస్తున్నాడని ప్రచారం మొదలైంది. కానీ ఇది ప్రచారానికే పరిమితం అయ్యే అవకాశాలు ఎక్కువగా కనిపిస్తున్నాయి. ఎందుకంటే కొరటాల శివ ఇప్పటికే చిరంజీవితో సినిమా చేయడానికి చాలా సమయాన్ని వెచ్చించాల్సి వచ్చింది. ఇప్పుడు ఆయన ప్రభాస్ తో సినిమా చేయాలన్నా దాదాపుగా మరో మూడు సినిమాలు షూటింగ్ పూర్తయ్యే వరకు వేచి ఉండాల్సి ఉంటుంది. దీంతో ఆయన ప్రభాస్ కోసం ఇంత సమయం వెచ్చించి మరీ సినిమా చేస్తాడా లేదా అనేది ఆసక్తికరంగా మారింది.