నియోజకవర్గాల్లో చాలా మంది ఎమ్మెల్యేలు పర్యటనలు చేయడం లేదని ఆరోపణలు ఎప్పటి నుంచొ వినపడుతున్నాయి. అందుకే ఇప్పుడు సీఎం కేసీఆర్ ఎమ్మెల్యేల విషయంలో ప్రత్యేక దృష్టి పెట్టినట్లు తెలుస్తుంది. నియోజకవర్గాలకు ఎమ్మెల్యేలు వెళ్లకపోవడంతో ప్రజల్లో భారతీయ జనతా పార్టీ ఎక్కువగా వెళ్తుందని తెలిసినా సరే బయటకు రాకపోవడంపై ఆగ్రహం ఉంది. దీనితో ఇప్పుడు సీఎం కేసీఆర్ దానిమీద దృష్టి పెట్టినట్టు సమాచారం. ఎమ్మెల్యేలందరూ ప్రజల్లోకి వెళ్లాల్సిన అవసరం ఉందని అంతేకాకుండా ఇప్పుడు ఎమ్మెల్యేల కోసం గానూ ఒక్కో జిల్లాకు ఒక మంత్రిని పంపించే ఆలోచనలో ఆయన ఉన్నారని తెలుస్తుంది.

నియోజకవర్గాలు అన్నింటికీ కూడా ప్రతి మంత్రి వెళ్ళాలి అని ఆయన ఆదేశాలు ఇస్తున్నట్లు సమాచారం. ఎమ్మెల్యేలతో సమన్వయం చేసుకుని నియోజకవర్గాలలో తిరగాల్సిన అవసరం ఉందని వారంలో మూడు రోజుల పాటు ప్రజల్లో ఉండాల్సిన అవసరం ఉందని సీఎం కేసీఆర్ ఇప్పుడు ఎమ్మెల్యేలకు ఆదేశాలు ఇచ్చారని తెలుస్తుంది. త్వరలోనే దీనికి సంబంధించి ఒక క్లారిటీ కూడా తెలంగాణ అధికార పార్టీ ఇవ్వనుంది. ఎమ్మెల్యేలు ప్రజల్లోకి లేకపోవడం వలన ఈ రాష్ట్రంలో భారతీయ జనతా పార్టీ బలపడుతుందని ఆరోపణలు కూడా ఉన్నాయి. మరి ఈ విషయంలో సిఎం కేసీఆర్ ఇంకెలా అడుగులు వేస్తారు ఏంటీ అనేది చూడాలి.