రాష్ట్ర వ్యాప్తంగా కేవలం మూడు జిల్లాల్లో ( నెల్లూరు, కర్నూలు, శ్రీకాకుళం ) పంచాయతీలకు నామినేషన్లు రాకపోవడంతో వాటిని మినహాయించి 2,786 సర్పంచి స్థానాలకు ఎన్నికలు నిర్వహిస్తున్నారు. ఓటర్లను థర్మల్‌ స్కానింగ్‌ చేశాకే పోలింగు కేంద్రాల్లో కి అనుమతిస్తున్నారు. 33,570 వార్డు సభ్యుల స్థానాల్లో 12,604 ఏకగ్రీవమయ్యాయి. 149 వార్డుల్లో ఒక్క నామినేషన్‌ కూడా పడలేదు. మిగిలిన 20,817 స్థానాలకు 44,876 మంది బరిలో నిలిచారు.

ఇక రాయల సీమ జిల్లాల్లో ఎన్నికలు ప్రశాంతంగా జరుగుతున్నాయి. కడప జిల్లా లో ఉదయం 6.30 గంటలకు పోలింగ్ ప్రారంభం అయ్యాయి. ఓటర్లు కూడా ప్రశాంతంగా ఓటు హక్కును వినియోగించుకున్నారు. ఎండ ఎక్కువగా ఉన్న కారణం తో ఓటర్లు ఉదయం నుంచే పోలింగ్ కేంద్రాల వద్ద బారులు తీరారు. రాయచోటి, కమలాపురం నియోజకవర్గాల పరిధి లోని 12మండలాల్లో 135 సర్పంచ్ స్ధానాలకు ఎన్నికలు జరుగుతున్నాయి. మొత్తం 175 స్థానాలకు గాను 40 ఏకగ్రీవం కాగా 135 స్థానాలకు ఎన్నికలను నిర్వహిస్తున్నారు. అత్యంత సంస్యాత్మక గ్రామాల్లో పోలీసులు నిఘాను పెంచారు.169 సమస్యాత్మక, అత్యంత సమస్యాత్మక గ్రామాల్లో వెబ్ క్యాస్టింగ్, మైక్రో అబ్జర్వర్ల పర్యవేక్షణ లో పోలింగ్ నిర్వహిస్తున్నారు.1770 పోలింగ్ కేంద్రాల్లో 3,19,284 మంది ఓటు హక్కును వినియోగించుకుంటున్నారు. కడపలో ఎవరు విజయాన్ని అందుకుంటారో చూడాలి..