ఎట్టకేలకు ఈ సినిమాకి సంబంధించిన అప్డేట్స్ ఇప్పుడిప్పుడే కొంచెం ఇస్తూ వస్తున్నారు మేకర్స్. తాజా అప్ డేట్ ప్రకారం ఈ రాధేశ్యామ్ టీజర్ ఫిబ్రవరి 14వ తేదీన వాలంటైన్స్ డే కానుకగా అందిస్తున్నారు. ఒక రకంగా ఈ టీజర్ కోసం ప్రభాస్ అభిమానులతో కళ్ళు కాయలు కాచేలా ఎదురు చూస్తున్నారు. అయితే నిన్న ప్రభాస్ రాధేశ్యామ్ సినిమా యూనిట్ నుంచి ఒక ఆసక్తికరమైన అప్డేట్ వచ్చింది. అదేమంటే ఈ సినిమాకి రెండు డిఫరెంట్ మ్యూజిక్ ఆల్బమ్స్ రెడీ చేయించామని అంటూ పేర్కొన్నారు. నిజానికి ఈ సినిమా మొత్తానికి ఐదు భాషల్లో రిలీజ్ అవుతోంది. 

తెలుగు, తమిళ, కన్నడ, మలయాళ హిందీ భాషల్లో ఈ సినిమా రిలీజ్ అవుతుండగా తెలుగు, తమిళ, కన్నడ, మలయాళ భాషలకు జస్టిన్ ప్రభాకరన్ మ్యూజిక్ ఇస్తున్నారు. అలాగే హిందీ వెర్షన్ కు మాత్రం మిధున్, మనన్ భరద్వాజ్ అనే ఇద్దరు సంగీతం అందిస్తున్నారని ప్రకటించారు. అయితే ఇలా ప్రకటించడం వెనుక ఒక స్ట్రాటజీ ఉందని అంటున్నారు. ఈ స్ట్రాటజీ వెనుక బలమైన కారణమే ఉందని అంటున్నారు. అదేమంటే ఈ సినిమాని తెలుగు హిందీ భాషల్లో డైరెక్ట్ గా తెరకెక్కిస్తున్నారు.. తమిళ, కన్నడ, మలయాళ భాషల్లో కి డబ్ చేస్తున్నారు. అన్ని భాషలలో కంటే హిందీ భాషలో ఎక్కువగా రెవెన్యూ జనరేట్ అవుతుందని భావిస్తున్న మేకర్స్ అక్కడి ఆడియన్స్ దృష్టిని ఆకర్షించడానికి ఇద్దరు మ్యూజిక్ డైరెక్టర్స్ ని రంగంలోకి దింపారు అనే వాదన వినిపిస్తోంది. ఇది ఎంతవరకు నిజం అనేది తెలియదు కానీ ఈ అప్డేట్ మాత్రం ఇప్పుడు చర్చనీయాంశంగా మారింది.