ఇక ఇప్పుడు బిజెపి పై తెరాస నేతలు కూడా కాస్త గట్టిగానే ఎదురు దాడి చేస్తున్నారు. ప్రతీ అంశానికి కూడా తమను విమర్శించడంతో ఇన్ని రోజులుగా బిజెపి విషయంలో సైలెంట్ గా ఉన్న తెరాస పార్టీ నేతలు తమ వైఖరి మార్చుకుని విమర్శలు చేస్తున్నారు. తాజాగా మంత్రి కేటిఆర్ కీలక వ్యాఖ్యలు చేసారు. రాజన్న సిరిసిల్ల జిల్లాలో కార్యకర్తల విస్త్రతస్థాయి సమావేశంలో పాల్గొన్న పార్టీ వర్కింగ్ ప్రెసిడెంట్,మంత్రి కెటిఆర్ కీలక వ్యాఖ్యలు చేసారు. ఓపికకు హద్దులుంటాయి అని అన్నారు. మేం తిరగబడితే ప్రధాన మంత్రిని కూడా విడిచిపెట్టం అని వార్నింగ్ ఇచ్చారు. 

గతంలో ముఖ్యమంత్రులను ఉరికించినం అని అన్నారు. ఇప్పుడున్న బీజేపీ, కాంగ్రెస్ ల బతుకెంత అని ఆయన ప్రశ్నించారు. ఉమ్మడి ఏపీలో బిజెపి, కాంగ్రెస్ పరిస్థితి గంజిలో ఈగల కంటే అద్వాన్నం అని ఆయన ఆరోపించారు. ఉద్యమం లో కాంగ్రెస్ నేతలు పారిపోయారు అని ఆయన ఆగ్రహం వ్యక్తం చేసారు. నోటి కొచ్చినట్టు కేసీఆర్ పై మాట్లాడితే ఊరుకుంటానా అని ప్రశ్నించారు. ఒక్క సీటు గెలిచి బీజేపీ ఎగిరిపడుతోంది అని అన్నారు. కులాల పేరిట బీజేపీ కుంపట్లు పెడుతుంది అన్నారు. ఇరవై ఏళ్లలో చాలా చూశాం అని ఆయన పేర్కొన్నారు. చేతులు కట్టుకుని నిలబడ్డ కాంగ్రెస్ నేతలా మా గురించి మాట్లాడేది అని మండిపడ్డారు.