జగన్మోహన్ రెడ్డి అనేక మంచి మంచి పథకాలు అమలు చేస్తుంటే అయినా మన మీద పోటీ చేస్తున్నారు కాబట్టి అలా వ్యతిరేకంగా నామినేషన్ వేసిన అందరి పెన్షన్, కాపు నేస్తం, అమ్మ ఒడి పథకాలు లాంటివి కట్ చేసి పారేస్తాం అంటూ ఆయన కామెంట్ చేశారు. ఈ కామెంట్స్ అటు తిరిగి ఇటు తిరిగి ఈసీ దృష్టికి రావడంతో నిమ్మగడ్డ రమేష్ కుమార్ ఆయన మీద కొన్ని ఆదేశాలు జారీ చేశారు. ఈనెల 13వ తేదీన రెండో విడత ఎన్నికలు ముగిసేవరకు మీడియాతో మాట్లాడవద్దని ఆయన ఆదేశాలు జారీ చేశారు. సభలో ప్రచారాలు సమావేశాల్లో ప్రసంగించడం, అలాగే ప్రజలతో కూడా మాట్లాడవద్దని ఆదేశాలు జారీ చేశారు. ఈ ఆదేశాలు అమలయ్యేలా చూడాలని కృష్ణా జిల్లా ఎస్పీని నిమ్మగడ్డ రమేష్ కుమార్ ఆదేశించారు. 

అయితే నిజానికి ఈ ఆదేశాలు నిన్న రాత్రి జారీ అయ్యాయి. ఈ ఆదేశాలు రేపటి దాకా అమల్లో ఉంటాయి. నిజానికి రెండు రోజులే కాబట్టి సైలెంట్ గా ఉండే అవకాశాలు ఎక్కువగా కనిపిస్తున్నాయి. కానీ పెద్దిరెడ్డి లాగా జోగి రమేష్ కూడా పర్సనల్ గా తీసుకుంటే మాత్రం ఖచ్చితంగా కోర్టుకు వెళ్లి హౌస్ మోషన్ అలాంటివి వేసి ఈరోజు రేపట్లో మళ్లీ ప్రసంగాలు మొదలు పెట్టే అవకాశాలు కనిపిస్తున్నాయి. గతం నుంచి చూసిన పరిణామాలు చూస్తే అలానే అనిపిస్తుంది. నిమ్మగడ్డ రమేష్ కుమార్ ఎలాంటి ఆదేశాలు ఇచ్చిన ప్రతి దానిని ప్రభుత్వం కోర్టులో సవాల్ చేస్తూనే వస్తోంది. కోర్టులో ఎలాంటి తీర్పు ఇచ్చినా కట్టుబడి ఉంటానని చెబుతూనే నిమ్మగడ్డ ఇచ్చిన ప్రతి ఆదేశాన్ని కోర్టులో సవాల్ చేస్తూ వస్తోంది. మరి రెండు రోజులు ఉన్న కారణంగా ఈ అంశంలో కూడా కోర్టుకు వెళతారా లేక సైలెంట్ గా ఉంటారా అనేది మాత్రం ఆసక్తికరంగా మారింది..