మేయర్, డిప్యూటీ మేయర్ ఎన్నికల పరిశీలకులుగా సీనియర్ ఐఏఎస్ అధికారి సందీప్ కుమార్ సుల్తానియా ఉన్నారు. ఎన్నికల ప్రిసైడింగ్ అధికారిగా హైదరాబాద్ జిల్లా కలెక్టర్ శ్వేత మహంతి ఉన్నారు. నూతన కార్పొరేటర్ తమ ఫోటో కలిగిన ఏదేని గుర్తింపు కార్డు తప్పని సరిగా తీసుకు రావాలని అధికారులు ఆదేశాలు ఇచ్చారు. జీహెచ్ఎంసీ పంపిన లేఖ, ఆర్వో ఇచ్చిన గెలుపు సర్టిఫికేటక్ ను కూడా సభ్యులు తీసుకురావాలని సూచనలు చేసారు. కరోనా నేపథ్యంలో ప్రతి సభ్యులు తప్పని సరిగా మాస్క్ పెట్టుకోవాలి అని తెలిపారు. 

ప్రతి లైన్ లో సహాయకారిగా ఉండేందుకు రో-అధికారుల నియామకం ఉంటుంది. జీహెచ్ఎంసీ లో మొత్తం 149 నూతన కార్పొరేటర్లతో పాటు.... 44 ఎక్స్ అఫిసియో సభ్యులు ఉంటారు. మొత్తం 193 మంది సభ్యుల్లో 97 మంది సభ్యులు హాజరై కోరం ఉంటే మేయర్, డిప్యూటీ మేయర్ ఎన్నిక నిర్వహణ ఉంటుంది. మ్యాజిక్ ఫిగర్ కాకుండా ఏ మేయర్ అభ్యర్థికి ఎక్కువ మంది చేయి లేపుతారో వారినే మేయర్ గా ప్రకటిస్తారు. ఇవాళ కోరం లేకుంటే మేయర్, డిప్యూటీ మేయర్ ఎన్నిక శుక్రవారానికి వాయిదా వేస్తారు. ఈ రోజు కూడా ఎన్నికలు జరగకుంటే.... మరో తేదీని ప్రకటిస్తారు. టీఆర్ఎస్ నుంచి 56 కార్పొరేటర్లు, 32 ఎక్స్ అఫీషియో సభ్యులు ఉన్నారు. బీజేపీ నుంచి 47 కార్పొరేటర్లు, 2 ఎక్స్ అఫీషియో మెంబెర్స్ ఉన్నారు. ఎంఐఎం నుంచి 44 కార్పొరేటర్లు, 10 మంది ఎక్స్ అఫీషియో మెంబెర్స్ ఉన్నారు. కాంగ్రెస్ నుంచి ఇద్దరు కార్పొరేటర్లు ఉన్నారు.