అయితే ఆ బండికి జిపిఎస్ అనుసంధానం చేసి ఉండడంతో ఎక్కడ ఆ బండి ఎక్కడ ఉన్నా కంపెనీ ప్రతినిధులకు తెలిసిపోతూ ఉంటుంది..అయితే బండి ఆన్ చేస్తే మాత్రమే ఆ జిపిఎస్ పరికరం ఆన్ అవుతుంది అని తెలుసుకున్న ఒక యువకుడు తన స్నేహితులతో కలిసి యూట్యూబ్లో జిపిఎస్ పరికరాన్ని ఎలా తొలగించాలో నేర్చుకున్నాడు. ఆ తొలగించడం నేర్చుకుని నాలుగు నెలల కాలంలో ఏకంగా 40 వాహనాల దాకా దొంగిలించాడు. వాటి స్టిక్కరింగ్ మార్చి నకిలీ ధ్రువపత్రాలు రూపొందించి సెకండ్ హ్యాండ్ బండి అని చెప్పి వేసేవారు. ఎట్టకేలకు ఈ మోటో పోలీసులకు చిక్కడంతో ముఠా ఆటకట్టించారు పోలీసులు. 

పాతబస్తీలోని భవానీనగర్, యాకత్‌పురా ప్రాంతాలకు చెందిన మహ్మద్‌ రిజ్వాన్, మహ్మద్‌ యాసీన్, మీర్‌ హంజా ఇంటర్మీడియట్‌ చదువుతున్నారు. వోగో వాహనాలను యాప్‌ ద్వారా వాహనాలను అద్దెకు తీసుకోవచ్చని, ఇంజిన్‌ ఆన్‌ అయితేనే దాని జీపీఎస్‌ పరికరం పని చేస్తుందని రిజ్వాన్‌ గుర్తించి ఇదే విషయాన్ని మిగిలిన ఇద్దరికీ చెప్పడంతో ముగ్గురూ కలిసి రంగంలోకి దిగారు. చిక్కడపల్లి, ఎల్బీనగర్, ఉప్పల్, అబిడ్స్‌ పోలీస్ స్టేషన్ల పరిధిలో ఉన్న మెట్రో స్టేషన్లలో పార్కింగ్‌ ప్లేసుల్లో ఉండే 38 వోగో వాహనాలను అపహరించారు. అయితే వీరి గురించి సమాచారం అందడంతో పోలీసులు వలపన్ని పట్టుకున్నారు. వీరి వద్ద నుండి 38 వాహనాలు స్వాధీనం చేసుకున్నారు.