ఇక్కడ గమనించాల్సిన విషయం ఏమిటంటే పై పార్టీల్లో నేతలు ఒకవైపు షర్మిలపై మండిపోతునే అదే సమయంలో షర్మిల పెట్టబోయే పార్టీ వల్ల తమకు వచ్చే నష్టం ఏమీ లేదని చెబుతున్నారు. షర్మిల పెట్టబోయే పార్టీ వల్ల ఇపుడున్న పార్టీల్లో దేనికీ నష్టం లేదనుకున్నపుడు మరి ఎందుకింత ఆగ్రహంతో ఊగిపోతున్నారో ఎవరికీ అర్ధం కావటంలేదు. మంగళవారం మీడియాతో మాట్లాడినపుడు షర్మిల కూడా తాను పార్టీ పెడతానని స్పష్టంగా చెప్పలేదు. అయితే తెలంగాణాలో రాజన్న రాజ్యం తెస్తానని ప్రకటించారు. కొత్తగా పార్టీ పెట్టి అధికారంలోకి రావాలన్న ఆలోచన లేకపోతే రాజన్నరాజ్యం ఎలా తెస్తారు ? అన్నది పాయింట్. సో నేరుగా చెప్పకపోయినా తొందరలోనే పార్టీ పెట్టడం ఖాయమనే అర్ధమైపోతోంది. పార్టీని ప్రకటించకముందే ప్రత్యర్ధిపార్టీలు ఇంతగా రెచ్చిపోతుంటే ఇక పార్టీ పెట్టిన తర్వాత ఎలా రియాక్ట్ అవుతారో చూడాల్సిందే.