జిల్లాల వారీగా ఏకగ్రీవమైన పంచాయతీల వివరాలను ఇవాళ ఎస్ఈసీ ప్రకటించింది. ఏపీలో బలవంతపు ఏకగ్రీవాలకు అడ్డకట్ట వేసేందుకు ఎన్నికల సంఘం ఎన్ని చర్యలు తీసుకుంటున్నా వైసీపీ సర్కారు మద్దతుతో ఏకగ్రీవాలు కొనసాగుతూనే ఉన్నాయి. తొలి విడతలోనే భారీగా ఏకగ్రీవాలు నమోదు కాగా.. ఈ నెల 13న జరిగే రెండో విడత ఎన్నికల పోలింగ్‌కు ముందే 539 పంచాయతీలు ఏకగ్రీవాలు అయినట్లు రాష్ట్ర ఎన్నికల సంఘం ప్రకటించింది.. ఏకగ్రీవాల హవాకు అడ్డుకట్ట వేసేందుకు ఎస్ఈసీ చేస్తున్న ప్రయత్నాలు బోల్తా కొట్టాయి. 

మొదటి విడత లో చిత్తూరు, గుంటూరు ఏకగ్రీవాల లో టాప్ లో ఉండగా , రెండో విడత లో గుంటూరు, ప్రకాశం టాప్ లో ఉన్నాయి.గుంటూరు జిల్లాలో 70 పంచాయతీలు ఏకగ్రీవం కాగా.. ప్రకాశం జిల్లాలో 69 ఏకగ్రీవమయ్యాయి. ఆ తర్వాత స్దానాల్లో చిత్తూరు 62, విజయనగరం 60, కర్నూలు 57, శ్రీకాకుళం 41, కడపలో 40, కృష్ణాలో 36, నెల్లూరులో 35, విశాఖలో 22, తూర్పుగోదావరిలో 17, పశ్చిమగోదావరిలో 15, అనంతపురంలో 15 పంచాయతీలు ఏకగ్రీవమయ్యాయి. మరో మూడు రోజుల్లో మిగిలిన చోట్ల రెండో దశ ఎన్నికలు జరగనున్నాయి... మరి ఈ నియోజక వర్గాల్లో ఎవరికీ విజయం వరిస్తుందో చూడాలి..