అయితే అందుతున్న సమాచారం మేరకు దీనికి సంబంధించిన స్క్రిప్ట్ అంతా సిద్ధంగా ఉందట. అయితే దీనికి హీరోలు దొరక్కపోవడం దొరికినా డేట్స్ ఎప్పటికో ఇస్తానని చెప్పడం, లేదా ఖాళీగా ఉన్న వారు బడ్జెట్ భారీగా చెప్పడంతో ఈ షాడో ఎప్పటికీ తెరకెక్కుతుంది అనేది ఎవరూ చెప్పలేక పోతున్నారు. అంతేకాక షాడో నవలలు వెబ్ సిరీస్ గా తీస్తే వర్కౌట్ అవుతుందా లేక వెబ్ సిరీస్ కంటే షాడో నవలలు వరుసగా సినిమాలుగా తీసి రిలీజ్ చేసే వర్కౌట్ అవుతుందా అనే దాని మీద ఏకే ఎంటర్టైన్మెంట్స్ మల్లగుల్లాలు పడుతున్నట్టు చెబుతున్నారు. 

నిజానికి తెలుగు సాహిత్యంలో ఈ షాడో నవలలు ప్రత్యేక ముద్ర వేసుకున్నాయి. ఆ రోజుల్లో మధు బాబు నవల వస్తుందంటే జనాలు ఎగబడి కొనేవారు. దాదాపుగా ఈ షాడో సిరీస్లో యాభై నవలలు వచ్చాయి. ఈ యాభై నవలలలో మంచి వాటిని చూసి వెబ్ సిరీస్ చేస్తామని అప్పట్లో ప్రకటించారు. ఇది ఎంత వరకు వర్కౌట్ అవుతుందో వేచి చూడాల్సి ఉంది.