ఒకవేళ కాంగ్రెస్ ఆజాద్ సేవలను ఉపయోగించుకోలేకపోతే ఎన్డీయే తరపున రాజ్యసభకు ఆజాద్ ను నామినేట్ చేస్తామంటు చెప్పటం ఆశ్చర్యంగా ఉంది. నిజానికి ఆజాద్ ను రాజ్యసభకు పంపే అవకాశాలు కాంగ్రెస్ పార్టీకి దాదాపు లేదనే చెప్పాలి. ఎందుకంటే పెద్ద రాష్ట్రాల్లో రాజస్ధాన్ లో తప్ప కాంగ్రెస్ మరెక్కడా అధికారంలో లేదు. ఉన్న అరాకొరా చోట్ల రాజ్యసభకు పంపే అవకాశాలు లేవు. మరి ఈ పరిస్ధితుల్లో 71 ఏళ్ళ వయస్సున్న ఆజాద్ సేవలను పార్టీ ఏ విధంగా ఉపయోగించుకుంటదనేది ఆసక్తిగా మారింది. ఇప్పటికే కాంగ్రెస్ పార్టీ పరిస్దితి దారుణంగా తయారైంది. తొందరలోనే ఎన్నికలు జరగనున్న పశ్చిమబెంగాల్, తమిళనాడు రాష్ట్రాల్లో కాంగ్రెస్ సింగిల్ డిజిట్ దాటుతుందనే నమ్మకం కూడా ఎవరిలోను లేదు. మిగిలిన కేరళ ఎన్నికలపైన మాత్రమే కాస్త ఆశలు పెట్టుకుంది.