ప్రజల వద్దకు వెళ్ళే విషయంలో వైసీపీ దూకుడుగా ఉన్నా సరే ప్రజలు ఓటు వేసే విషయంలో మాత్రం విపక్షాలకు మద్దతు ఇవ్వడం చాలా ఆశ్చర్యకరంగా మారిన అంశంగా చెప్పుకోవాలి. సంక్షేమ కార్యక్రమాలు పెద్దగా ప్రజల్లో ప్రభావం చూపించ లేదు అనే విషయాన్ని జగన్ ఎప్పటికైనా తెలుసుకుంటే మంచిదనే అభిప్రాయం కొంతమంది వ్యక్తం చేస్తున్నారు. 2018 ఎన్నికల్లో విజయం సాధించిన తర్వాత సీఎం కేసీఆర్ సంక్షేమ కార్యక్రమాల మీద దృష్టి పెట్టారు. ఈ కార్యక్రమాలను ప్రజల్లోకి బలంగా తీసుకెళ్లే విధంగా పావులు కదిపా.

 కానీ దుబ్బాక ఉప ఎన్నికల్లో ఆ పార్టీ ఓటమి పాలైంది. ఇక నాగార్జునసాగర్ ఉప ఎన్నికల్లో కూడా పార్టీ గెలుస్తుందన్న నమ్మకం చాలా మంది టిఆర్ఎస్ పార్టీ నేతలకు లేదనే చెప్పాలి. నాగార్జునసాగర్ ఉప ఎన్నిక తర్వాత జరగబోయే ఎమ్మెల్సీ ఎన్నికల్లో కూడా పార్టీ పెద్దగా ప్రభావం చూపించ లేక పోవచ్చు అనే భావనను కొంతమంది వ్యక్తం చేస్తున్నారు. ఇప్పుడు వైసిపి పరిస్థితి కూడా దాదాపు ఇలాగే తయారయ్యే అవకాశాలు ఉన్నాయి. తిరుపతి ఉప ఎన్నికల్లో వైసీపీ విజయం సాధిస్తుందా లేదా అనేది కూడా కష్టంగానే ఉంది. కాబట్టి సంక్షేమ కార్యక్రమాలు కాదు ప్రజలకు కావాల్సింది అని ముఖ్యమంత్రి జగన్ తెలుసుకోవాలని సూచిస్తున్నారు.