అదేమంటే దిల్ రాజు కుటుంబం నుంచి ఒక హీరో వస్తున్నాడని ముందు నుంచే ప్రచారం జరుగుతున్న సంగతి తెలిసిందే.. దిల్ రాజు తమ్ముడు శిరీష్ కొడుకు ఆశిష్ ని హీరోగా లాంచ్ చేస్తున్నారు. హుషారు సినిమాని తెరకెక్కించిన శ్రీహర్ష ఈ సినిమాని తెరకెక్కిస్తున్నారు. ప్రస్తుతం హైదరాబాదు శివార్లలో ఈ సినిమా షూటింగ్ శరవేగంగా జరుగుతోంది. అయితే సినిమాల జడ్జిమెంట్ విషయంలో చాలా పర్టిక్యులర్ గా ఉండే దిల్ రాజు ఈ సినిమా విషయంలో ఎక్కువ బడ్జెట్ పెడుతున్నాడు అనే వాదన వినిపిస్తోంది. 

ఈ సినిమాకి దేవిశ్రీ ప్రసాద్ సంగీతం అందిస్తుండగా చాలామంది పెద్దపెద్ద టెక్నీషియన్స్ సినిమా కోసం పని చేస్తున్నారు. వారందరి రేమ్యునరేషన్స్ తో పాటు సినిమా షూటింగ్ ఖర్చు దాదాపుగా కోట్ల రూపాయల మేరకు ఉంటుందని అంటున్నారు. తన కుటుంబం నుంచి కూడా ఒక హీరో ఉండాలనే భావనతోనే దిల్ రాజు భారీగా పెట్టుబడులు పెడుతున్నాడని ఫిల్మ్ నగర్ వర్గాలలో జోరుగా ప్రచారం జరుగుతోంది. ఇక దిల్ రాజు ఈ ఏడాది నిర్మిస్తున్న సినిమాల విషయానికి వస్తే ఆయన నిర్మిస్తున్న వకీల్ సాబ్ ఏప్రిల్ నెలలో రిలీజ్ కానుంది. ఆ తర్వాత ఆగస్టు నెలలో ఆయన తెరకెక్కించిన ఎఫ్ త్రీ సినిమా కూడా రిలీజ్ కానుంది.