ఘటనకు సంబందించిన వివరాలలోకి వెళితే కోల్‌కతా జోరాబగన్‌ ప్రాంతానికి చెందిన రణ్‌ వీర్‌ తంతి అక్కడ మార్బుల్‌ కట్టింగ్‌ టెక్నిషియన్‌గా పని చేస్తున్నాడు. అతను ఖాళీ సమయంలో మద్యం, చైల్డ్‌ పోర్నో గ్రఫీకి బానిస అయ్యాడు. ఇదే సమయంలో రణ్‌ వీర్‌ తంతికి లాల్‌ బజర్‌ ప్రాంతంలో ఉండే బాధితురాలి కుటంబంతో పరిచయం ఏర్పడింది. ఈ క్రమంలోనే రణ్‌ వీర్‌, బాడీ గార్డ్‌ అయిన తన స్నేహితుడితో కలిసి బాధితురాలి ఇంటికి వచ్చాడు. 

ఆ సమయంలో ఇంటి బయట ఆడుకుంటున్న చిన్నారికి బిర్యానీ ఆశ చూపాడు నిందితుడు. ఆ వంకతో ఆ చిన్నారిని నిర్మానుష్య ప్రాంతానికి తీసుకు వెళ్ళారు. ఆ తర్వాత బాలిక పై ఇద్దరూ కలిసి గ్యాంగ్‌ రేప్‌కు ఒడిగట్టారు. ఇక చిన్నారి బతికి ఉంటే తమను గుర్తు పడుతుందనే ఉద్దేశంతో బాలికను కిరాతకంగా గొంతు కోసి హత్య చేశారు. పోస్ట్‌ మార్టం రిపోర్టులో బాలికకు డ్రగ్స్‌ ఇచ్చినట్లు తెలుస్తోందని అంటున్నారు. అయితే పోలీసులు మాత్రం ఈ డ్రగ్స్ విషయం మీద స్పష్టత రావాల్సి ఉందని అంటున్నారు.