ఇప్పుడు తెలుగుదేశం పార్టీ విజయం కోసం అన్ని పార్టీల కంటే కూడా భారతీయ జనతా పార్టీ అధిష్టానం ఎక్కువగా ఆసక్తి కరంగా ఉందని రాజకీయ వర్గాలు అంటున్నాయి. తెలుగుదేశం పూర్తిగా నాశనం అయిందని చాలామంది భారతీయ జనతా పార్టీ నేతలు భావించారు. కాని స్థానిక సంస్థల ఎన్నికల విషయంలో తెలుగుదేశం పార్టీ అనుసరిస్తున్న దూకుడును కొన్ని ప్రాంతాల్లో జరుగుతున్న ఎన్నికలు జరిగిన తీరు కూడా భారతీయ జనతా పార్టీ అధిష్టానాన్ని ఆకట్టుకున్నది అనే చెప్పాలి.

స్థానిక సంస్థల ఎన్నికల్లో తెలుగుదేశం పార్టీ విజయం సాధిస్తే మాత్రం ఖచ్చితంగా భారతీయ జనతా పార్టీ తెలుగుదేశంతో పొత్తు పెట్టుకుని ముందుకు వెళ్లే అవకాశాలు ఉండవచ్చు అనే అభిప్రాయాలు రాజకీయ వర్గాలు వ్యక్తం చేస్తున్నాయి. భారతీయ జనతా పార్టీ ఆంధ్రప్రదేశ్ లో బలపడాలని భావిస్తోంది. ఇక తెలుగుదేశం పార్టీ కూడా ముఖ్యమంత్రి జగన్ ని ఇబ్బంది పెట్టాలి అంటే కచ్చితంగా భారతీయ జనతా పార్టీతో స్నేహం చేయాల్సిన అవసరం ఉంది. ఈ మధ్య కాలంలో భారతీయ జనతా పార్టీ నేతలు కాస్త ముఖ్యమంత్రి జగన్ విషయంలో దూకుడు పెంచారు అని చెప్పాలి. దీంతో భారతీయ జనతా పార్టీతో చంద్రబాబు నాయుడు ఎలా ముందుకు వెళ్తారు ఏంటనేది అందరిలో కూడా ఆసక్తి పెరిగి పోతుంది. ప్రస్తుతం ఉన్న పరిణామాల నేపథ్యంలో తెలుగుదేశం పార్టీ బ్రతకాలంటే కేంద్ర ప్రభుత్వంలో ఉన్న భారతీయ జనతా పార్టీ సహకారం అనేది చాలా అవసరం.