‘‘స్వేచ్ఛగా ఎన్నిక‌లు జ‌రిగితే జ‌నం వ్యతిరేక‌త బ‌య‌ట‌ ప‌డుతుంద‌ని ముఖ్యమంత్రి వైఎస్ జగన్మోహన్ రెడ్డి రాజ్యాంగ‌ వ్యవ‌స్థల‌పై దాడికి కూడా తెగ‌బ‌డ్డారు. న్యాయ‌స్థానాల చొర‌వ‌తో స్థానిక ఎన్నిక‌లు జ‌రిగాయి. ఇక్కడా అధికార‌ యంత్రాంగం‌, పోలీసుల్ని వాడుకుని వైసీపీ వాళ్లు హ‌త్యలు చేశారు, కిడ్నాప్‌ల‌కు పాల్పడ్డారు, నామినేష‌న్ ప‌త్రాలు చించేశారు, ఆస్తులు త‌గుల‌బెట్టారు, ప్రలోభాల‌తో ఏక‌గ్రీవాలు చేసుకున్నారు. ఇన్ని చేసినా ఎదురొడ్డి నిలిచి గెలిచిన తెలుగుదేశం యోధుల‌కు శిర‌సువంచి న‌మ‌స్కరిస్తున్నాను. గాలి హామీలిచ్చి అధికారంలోకొచ్చిన ఫేక్ పార్టీకి ఒక్క చాన్స్ చివ‌రి చాన్స్ అని ప్రజ‌లు స్థానిక ఎన్నిక‌ల ద్వారా తీర్పునిచ్చారు. వైఎస్ జ‌గ‌న్‌ మోహన్ రెడ్డి ఇంట్లో పుట్టిన వైఎస్సార్ కాంగ్రెస్‌ పార్టీకి, జ‌నం గుండెల్లోంచి పుట్టిన తెలుగుదేశం పార్టీతో పోలికా?’’ అంటూ లోకేష్ తన సోషల్ మీడియా అకౌంట్ ట్విట్టర్ లో కామెంట్లు చేశారు. ప్రస్తుతం ఈ ట్వీట్ సోషల్ మీడియాలో తెగ వైరల్ అవుతోంది.