മെല്‍ബണ്‍: ഓസ്‌ട്രേലിയന്‍ മുന്‍ ക്രിക്കറ്റ് ക്യാപ്റ്റന്‍ റിക്കി പോണ്ടിങ്ങിന്റെ അധിക്കാല വസതിയില്‍ നിന്ന് കാര്‍ മോഷണം പോയി. കഴിഞ്ഞ ദിവസം താരത്തിന്റെ വീട്ടില്‍ അതിക്രമിച്ചു കയറിയ മോഷ്ടാക്കളാണ് കാര്‍ കവര്‍ന്നത്. പോണ്ടിങ് നല്‍കിയ പരാതിയുടെ അടിസ്ഥാനത്തില്‍ അന്വേഷണം നടത്തിയ പോലീസ്, മെല്‍ബണിലെ കാമ്പര്‍വെല്‍ പ്രദേശത്തുനിന്ന് കാര്‍ കണ്ടെടുത്തു.
Read Also: മൃഗങ്ങളില്‍ നിന്ന് കോവിഡ്; തെളിവില്ലെന്ന് ചൈന
എന്നാൽ പോണ്ടിങ്ങും കുടുംബവും താമസിച്ച മെല്‍ബണിലെ അവധിക്കാല വസതിയില്‍ വെള്ളിയാഴ്ചയാണ് മോഷണം നടന്നത്. കാര്‍ കണ്ടെത്തുന്നതിന് പ്രത്യേക സേനയേയും വ്യോമ വിങ്ങിനെയും വിന്യസിച്ചിരുന്നു. നഗരത്തിലൂടെ അലക്ഷ്യമായി കാര്‍ ഓടിച്ചതിന്റെ സിസിടിവി ദൃശ്യങ്ങള്‍ പോലീസിന് ലഭിച്ചു. കാറിനുള്ളില്‍ ഉണ്ടായിരുന്ന 2 പേരെ പൊലീസിന് പിടികൂടാനായിട്ടില്ല. ഇവര്‍ക്കായി തിരച്ചില്‍ ഊര്‍ജിതമാക്കി.
Post Your Comments