పూజా హెగ్డే 'ఒక లైలా కోసం' మూవీతో టాలీవుడ్ ఎంట్రీ ఇచ్చింది.  ఆ తర్వాత మొట్ట మొదటి సారిగా వరుణ్ తేజ్ డెబ్యూ మూవీ ముకుందలో నటించి మెగా ఫ్యామిలీకి కామన్  హీరోయిన్ గా మారి పోయింది. మళ్ళీ వరుణ్ తో 2019లో 'గద్దల కొండ గణేశ్'లో నటించింది. ఇక 2017లో స్టైలిష్ స్టార్ అల్లు అర్జున్ సరసన 'దువ్వాడ జగన్నాధం'లో నటించి మళ్లీ గత యేడాది 'అల వైకుంఠపురములో' చిత్రంలో బన్నీతో మరో సారి హిట్ కొట్టింది. ఇక 'రంగస్థలం'లో రామ్ చరణ్ సరసన ఐటమ్ సాంగ్ చేసిన పూజా ఇప్పుడు 'ఆచార్య'లోనూ నటిస్తోంది. 

తాజాగా అందుతున్న సమాచారం మేరకు ఈ భామ నాగ చైతన్యతో మరో సారి స్క్రీన్ షేర్ చేసుకునే ఛాన్స్ ఉందని అంటున్నారు. నాగ చైతన్య సాయిపల్లవి జంటగా తెరకెక్కిన 'లవ్ స్టోరీ' ఏప్రిల్ 16న ప్రేక్షకుల ముందుకు రాబోతోంది. ఇప్పుడు నాగచైతన్య విక్రమ్ కుమార్ దర్శకత్వం 'థ్యాంక్యూ' అనే సినిమా చేస్తున్నారు. 'దిల్' రాజు నిర్మిస్తున్న ఈ మూవీలో పూజా హెగ్డే ను ఒక నాయికగా ఎంపిక చేయబోతున్నట్టు టాలీవుడ్ వర్గాల్లో జోరుగా ప్రచారం జరుగుతోంది. ఇందులో ఇదే గనుక నిజమైతే ఆమె రిపీట్ చేయబోయే ఐదో హీరో నాగ చైతన్య అవ్వడం ఖాయం.