‘വാഴയ്‌ക്കനോ? വേണ്ടേ വേണ്ട’ ; ഇയാൾ മൂവാറ്റുപുഴയിലെ കോൺഗ്രസിന്റെ അന്തകനാണ്‌ ; ജോസഫ് വാഴയ്ക്കനെതിരെ പോസ്റ്റർ

മൂവാറ്റുപുഴ
കോൺഗ്രസ് സംസ്ഥാന നേതാവും മുൻ എംഎൽഎയുമായ ജോസഫ് വാഴയ്ക്കനെതിരെ മൂവാറ്റുപുഴ നിയോജകമണ്ഡലത്തിൽ പോസ്റ്റർ വ്യാപകമായതിനെ തുടർന്ന് കോൺഗ്രസിനുള്ളിൽ ചേരിതിരിവ് രൂക്ഷമായി. "വേണ്ടേ വേണ്ട’,  "ഇയാൾ മൂവാറ്റുപുഴയിലെ കോൺഗ്രസിന്റെ അന്തകനാണ്‌, ഈ  ഗ്രൂപ്പ് മാനേജരെ ഞങ്ങൾക്ക് വേണ്ടേ വേണ്ട–-സേവ് കോൺഗ്രസ് ’ എന്ന പേരിൽ ജോസഫ് വാഴയ്ക്കന്റെ ചിത്രം പതിച്ച ബഹുവർണ പോസ്റ്ററാണ് മൂവാറ്റുപുഴ നഗരത്തിലും പഞ്ചായത്തുകളിലെ പ്രധാന കേന്ദ്രങ്ങളിലും വ്യാപകമായി പതിച്ചത്.