2001వ సంవత్సరం జూన్ 23న జింబాబ్వే, వెస్టిండీస్ జట్ల మధ్య కోకాకోలా కప్ టోర్నమెంట్ జరిగింది. ఈ మ్యాచ్‌లో ఎంతో మంచి ప్రదర్శన చేసిన ఆటగాళ్లకు వరించని మ్యాన్ ఆఫ్ ది మ్యాచ్ అవార్డు.. ఒక్క వికెట్ తీయని, కనీసం ఒక్క క్యాచ్ కూడా పట్టని వెస్టిండీస్ బౌలర్ కామెరాన్ కఫ్ఫీకి దక్కింది. ఈ మ్యాచ్‌లో కఫ్ఫీ 10 ఓవర్లు వేయగా.. అందులో 20 పరుగులతో పాటు 2 మెయిడెన్లు ఉన్నాయి. కఫ్ఫీలా మిగతా ఏ బౌలర్ కూడా పొదుపుగా బౌలింగ్ చేయలేదు. దీంతో కఫ్ఫిదే అత్యుత్తమ ప్రదర్శనగా గుర్తించి ఈ అవార్డు అందించారు. 

క్రికెట్ చరిత్రలో ఇలా ఈ అవార్డు అందుకున్న ఏకైక బౌలర్ గా కఫ్ఫి రికార్డులకెక్కాడు. ఈ మ్యాచ్‌లో వెస్టిండీస్ 5 వికెట్లకు 266 పరుగులు సాధించగా, ఆతిథ్య జట్టు జింబాబ్వే 239 పరుగులు మాత్రమే చేయగలిగింది. కామెరాన్ కఫ్ఫీ తన కెరీర్‌లో 15 టెస్ట్ మ్యాచ్‌లు ఆడి 43 వికెట్లు పడగొట్టగా, 41 వన్డేల్లో 41 వికెట్లు తన ఖాతాలో వేసుకున్నాడు. ఫస్ట్ క్లాస్ క్రికెట్ విషయానికొస్తే, కఫ్ఫీ 86 మ్యాచ్‌లు ఆడి 252 వికెట్లు తీశాడు.