అలాగే తాను పూర్తిగా అనుకున్న రెమ్యూనరేషన్ చెల్లించకపోవడం నిజమేనని కానీ పూర్తిగా చెల్లించడానికి తనకు మరికొంత సమయం కావాలని కోరినట్లు చెబుతున్నారు. ఈ విషయంలో మిస్ కమ్యూనికేషన్ కారణంగానే ఈ అంశం ఫిర్యాదుల దాకా వచ్చిందని ఆయన పేర్కొన్నాడు. సంక్రాంతి కానుకగా జనవరి 9వ తేదిన ప్రేక్షకుల ముందుకు వచ్చిన ఈ సినిమా భారీ విజయం సాధించింది. ఎంత పెద్ద హిట్ అయిందో అంతే పెద్ద వివాదాలు కూడా ఈ సినిమాని చుట్టుముట్టాయి. 

ఈ సినిమా రిలీజ్ ముందు రోజే ఈ సినిమా మీద చెన్నైకి చెందిన ఒక సంస్థ రిలీజ్ చేయకుండా స్టే తెచ్చింది. రెండు షోలు పూర్తయ్యేదాకా ఈ వివాదం సమసి పోలేదు ఎట్టకేలకు ఫస్ట్ షోకి మాత్రం అనుమతి ఇచ్చారు. ఆ తర్వాత నిర్మాత ఠాగూర్ మధు తనకు పూర్తి పేమెంట్ ఇవ్వలేదని చెబుతూ గోపీచంద్ మలినేని దర్శకుల సంఘంలో ఫిర్యాదు చేశాడు. దీంతో దర్శకుల సంఘం వివరణ కోరుతూ నిర్మాతల మండలికి లేఖ రాసింది. నిర్మాతల మండలి టాగూర్ మధు నీ వివరణ కోరగా ఎట్టకేలకు ఆయన స్పందిస్తూ ఈ విధంగా చెప్పుకొచ్చారు. మొత్తం మీద తనకు మరి కాస్త సమయం ఇస్తే పూర్తి పేమెంట్ చేస్తానని ప్రస్తుతానికైతే చేయలేనని ఆయన చెప్పుకొచ్చాడు.