జగడ్డ: తిరుపతిలో వైసీపీ జోరు..ఒక్క ఓటుకు ఎంతంటే?

అయినా కూడా కొన్ని ప్రాంతాల్లో నగదు పంపిణీ చేస్తున్నట్లు తెలుస్తోంది. తాజాగా రాయలసీమ జిల్లాల్లో మద్యం, నగదు పంపిణీ జరుగుతున్నది. చిత్తూరు జిల్లా తిరుపతి మండలంలో పలు పంచాయతీల్లో వైసీపీకి చెందినవారు ఇద్దరికంటే ఎక్కువమంది అభ్యర్థులు సర్పంచ్‌స్థానానికి పోటీచేస్తున్నారు. అలాంటి చోట్ల ఓటర్లను ప్రసన్నం చేసుకోవడానికి ఓటుకు రూ.2వేల చొప్పున పంపిణీ చేస్తున్నట్లు సమాచారం. ఇక ఎక్కువ ఓటర్లు ఉన్న నియోజక వర్గాల్లో మాత్రం ఓటుకు రూ.500 చొప్పున పంపిణీ చేస్తున్నారని వినికిడి. ఇక విందులు సాధారణమై పోయాయి. కర్ణాటక మద్యం ఏరులై పారుతోంది. పోటీ తీవ్రంగా ఉన్న కూర్మాయి పల్లె, మొగిలి, మొగిలివారి పల్లె, రాగిమానుపెంట, తగ్గువారి పల్లె, జిల్లేడు పల్లె, బొమ్మాయి పల్లె, తుంబకుప్పం పంచాయతీల్లో ఖర్చులు ఆకాశాన్ని అంటుతున్నాయి. 

ఈ విషయం స్పందించిన టీడీపీ మాట్లాడుతూ. .. రాష్ట్రంలో 90% పంచాయతీలు గెలిస్తేనే మంత్రులకు పదవులుంటాయని, ఎమ్మెల్యేలకు తిరిగి వచ్చే ఎన్నికల్లో సీట్లు లభిస్తాయని తాడేపల్లి ప్యాలెస్‌ నుంచి ఆదేశాలొచ్చాయని అందుకే వారు పదవులు, టికెట్ల భయంతో వణికిపోతున్నారని మాజీ మంత్రి దేవినేని ఉమామహేశ్వరరావు ఎద్దేవా చేశారు. ఎన్నికల్లో గెలిచేందుకు మద్యం , డబ్బులు నమ్ముకుంటే పని జరగదు అంటూ జగన్ పై పరోక్షంగా విమర్శలు గుప్పించారు.