ఇండియన్ స్మార్ట్‌ఫోన్ మార్కెట్‌లో ఒకప్పుడు హాట్ కేక్‌లా అమ్ముడుపోయిన స్మార్ట్‌ఫోన్. సాధారణంగా ఏ స్మార్ట్‌ఫోన్ అయినా ఓ ఆరు నెలల తర్వాత ఔట్ డేట్ అవుతుంది. కానీ పోకో ఎఫ్1 స్మార్ట్‌ఫోన్‌కు చాలాకాలం మార్కెట్‌లో డిమాండ్ కనిపించింది. ఇందుకు కారణం తక్కువ ధరలో అదిరిపోయే స్పెసిఫికేషన్స్‌తో ఈ స్మార్ట్‌ఫోన్ రావడమే.. స్మార్ట్‌ఫోన్‌లో ఫ్లాగ్‌షిప్ క్వాల్కమ్ స్నాప్‌డ్రాగన్ 845 ప్రాసెసర్‌తో రూపొందిన ఈ స్మార్ట్‌ఫోన్ అప్పట్లో రూ.20,000 ధరకే లభించింది. భారీ స్పెసిఫికేషన్స్‌తో తక్కువ ధరకే వచ్చిన ఈ స్మార్ట్‌ఫోన్ చాలాకాలంపాటు ఫ్యాన్స్‌ని ఆకట్టుకుంది.. 

ఈ నేపథ్యంలో ఆ ఫోన్ సీక్వెన్స్ లో మరో ఫోన్ రానుందని వార్త ఫ్యాన్స్ ను సంతోష పరుస్తోంది.పోకో ఎఫ్‌2 కోసం ఎదురుచూస్తున్నవారికి గుడ్ న్యూస్ వచ్చేసింది. త్వరలోనే ఇండియాలో పోకో ఎఫ్‌2 రిలీజ్ అయ్యే అవకాశాలు ఉన్నాయి.పోకో, క్వాల్కమ్ త్వరలో ఒప్పందం కుదుర్చుకుంటున్నాయని పోకో ఇండియా డైరెక్టర్ అనూజ్ శర్మ ఓ ట్వీట్ చేశారు. ఈ రెండు సంస్థలు కలిసి పోకో ఎఫ్1 అప్‌గ్రేడ్ మోడల్ పోకో ఎఫ్2 రిలీజ్ చేయనున్నాయని అంచనాలు పెరిగాయి.పోకో ఎఫ్2 5జీ స్మార్ట్‌ఫోన్ కావచ్చని అంచనా. ఇకపోతే సేల్ఫి ప్రియులకు మూడు కెమెరాలు అందుబాటులో ఉన్నాయి. మొత్తానికి ఈ ఫోన్ యువతను ఆకర్షణకు గురి చేస్తుంది. మరి ఈ ఫోన్ ఎలా డిమాండ్ ను అందుకుంటుంది అనేది తెలియాల్సి ఉంది..