ఈ ప్రచారంలో భాగంగా అక్కడ స్థానికంగా ఉన్న బాల కృష్ణ అభిమానులతో ఆయన ముచ్చటించారు. వారి దగ్గర ఉన్నప్పుడు ఆయన బాలకృష్ణ కి ఫోన్ చేశాను. ఒకరకంగా కోటంరెడ్డి శ్రీనివాసులురెడ్డి కూడా బాలయ్యకు అభిమాని. దీంతో ఆయన నెల్లూరు జిల్లా అభిమానులకు బాలకృష్ణకు మధ్య వారధిలా వ్యవహరిస్తూ ఉంటారు. ఏదైనా కేసు వచ్చినప్పుడు బాలయ్య ఫోన్ చేసి స్పీకర్ లో పెట్టి మాట్లాడితే అభిమానులను సంతోష పెడుతూ ఉంటారు. ఆ విధంగానే ప్రచారంలో భాగంగా రుద్రకోటకు వచ్చిన కోటంరెడ్డి బాలయ్య కు ఫోన్ చేసి స్పీకర్ లో పెట్టారు. ఈ సమయంలో బాలయ్య ప్రచారానికి సంబంధించిన వివరాలు అడిగి తెలుసుకున్నారు. 

అనంతరం తన అభిమానులను ఉద్దేశించి మాట్లాడుతూ జగన్ సర్కారు మీద తీవ్రస్థాయిలో ఫైర్ అయ్యారు. ప్రస్తుతం రాష్ట్రంలో రాక్షస పాలన సాగుతోందని ఇలాంటి పాలన గతంలో ఎప్పుడూ చూడలేదని ఆయన ఫైర్ అయ్యారు. బోయపాటి శీను పూర్తి సినిమా షూటింగ్ పూర్తయ్యాక తాను రోడ్డెక్కి తనని ప్రజలందరినీ కలుసుకుంటానని చెప్పుకొచ్చారు. పంచాయతీ ఎన్నికల విషయంలో ఎవరూ భయపడవద్దు అని ఆయన సూచించారు. అయ్యేదేదో అవుతుంది, దేనికైనా సిద్ధంగా ఉండాలి అంటూ ఆయన అభిమానులకు పిలుపునిచ్చారు. తాను కూడా మెంటల్ గా ప్రిపేర్ అవుతున్నాను అన్న బాలయ్య బోయపాటి సినిమా పూర్తయ్యాక అసలు అవతారం చూపిస్తా అని ఆయన పేర్కొన్నారు.