ఇటీవల షూటింగ్ ప్రారంభం అయిన ఈ సినిమా యొక్క  ఫస్ట్ షెడ్యూల్ పూర్తి అయిందని చిత్రబృందానికి సంబంధించిన వ్యక్తి సోషల్ మీడియా ద్వారా అధికారికంగా తెలిపాడు. ఈ షెడ్యూల్ లో కొన్ని యాక్షన్ సీక్వెన్స్ తీసినట్లు తెలుస్తోంది. ఇక ఈ సినిమాలో శ్రుతి హాసన్ నటిస్తోన్న సంగతి తెలిసిందే. కాగా శ్రుతి హాసన్ కూడా ఫస్ట్ షెడ్యూల్ షూట్ లో పాల్గొన్నట్లు వార్తలు వినిపిస్తున్నాయి. కాగా హైదరాబాద్ లో ఓ ప్రైవేట్ ప్లేస్ లో వేసిన సెట్ లో ఈ సినిమా షూట్ స్టార్ట్ చేశారట. 

2021లో లోపే ఈ సినిమాని పూర్తీ చేయాలని చూస్తున్నాడు ప్రభాస్. కాకపోతే, ప్రశాంత్ నీల్ కూడా రాజమౌళిలా సంవత్సరాల తరబడి సినిమాలు చేస్తాడనే పేరు ఉంది కాబట్టి.. కచ్చితంగా ప్రభాస్ ఈ సినిమా కోసం బల్క్ డేట్స్ కేటాయించాల్సి ఉంటుంది. ఎలాగూ ప్రభాస్ కూడా సలార్ పైనే ఎక్కువ ఇంట్రస్ట్ చూపిస్తున్నాడు కాబట్టి.. రానున్న ఐదు నెలలు మొత్తం ప్రభాస్ సలార్ కోసమే కేటాయించే అవకాశం ఉంది. ఏది ఏమైనప్పటికి క్రేజీ కాంబినేషన్ తో వస్తున్న ఈ సినిమా ఎలాంటి సంచలనలు సృష్టిస్తుందో చూడాలి.