రాష్ట్రంలోని ఛింద్వాడా పరిధిలోని కుండీపురా పోలీస్ స్టేషన్ పరిధిలో ఈ విచిత్ర ఉదంతం చోటు చేసుకుంది. శనిచరా బజార్‌లోని డాక్టర్ ఎస్‌కే బింద్రా క్లినిక్ నిర్వహిస్తున్నారు. శనివారం రాత్రి సుమారు 12 గంటల ప్రాంతంలో ఒక వ్యక్తి కాలిపోయిన తన చేతికి చికిత్స తీసుకునేందుకు బింద్రా క్లీనిక్‌కు వచ్చాడు. అతని వెంట మరో ఇద్దరు కూడా ఉన్నారు. డాక్టర్ బింద్రా, అతని సిబ్బంది ఆ వ్యక్తికి చికిత్స చేశారు. దీని తరువాత డాక్టర్ బింద్రా ఆ తన ఫీజు అడిగాడు. ఈ మాట విన్న పేషేంట్ పాటు అతనితో వచ్చిన వారు క్లీనిక్‌ను ధ్వంసం చేసేందుకు ప్రయత్నించారు. 

డాక్టర్ బింద్రా అడ్డుకోగా పేషేంట్ తో పాటు వచ్చిన విజయ్ తివారీ అనే వ్యక్తి డాక్టర్ చేతి వేలిని తన నోటిలో పెట్టుకుని గట్టిగా కొరికివేసి, చేతి నుంచి ఆ వేలిని వేరు చేశాడు. తరువాత వారు క్లీనిక్‌లోని ఫర్నీచర్‌ను, వాటర్ కూలర్‌ను ధ్వంసం చేసి, డాక్టర్ ను కొట్టి వెళ్లిపోయారు. ఈ పరిణామంతో డాక్టర్ బింద్రా నిర్ఘాంతపోయాడు. వెంటనే తన తెగిపోయిన వేలిని తీసుకుని జిల్లా ఆసుపత్రికి వెళ్ళాడు. అక్కడ వైద్య చికిత్స తీసుకుంటున్నాడు. ఈ క్రమంలోనే పోలీసులకు ఫిర్యాదు చేశాడు. కేసు నమోదు చేసుకున్న పోలీసులు నిందితులను అదుపులోకి తీసుకుని విచారిస్తున్నారు.

ఇదిలా ఉంటే ఈ విషయం తెలుసుకున్నవారంతా డాక్టర్ పరిస్థితి చూసి 'అయ్యో పాపం' అని అంటున్నారు. ఘటన క్లీనిక్‌లోని సీసీటీవీలో రికార్డు కావడంతో ప్రస్తుతం ఈ విషయం వైరల్ అవుతోంది.