ఇక రూట్ వికెట్ గురించి మాట్లాడుతూ.. రూట్‌ గొప్ప ఆటగాడని, మంచి ఫామ్‌లో ఉన్నాడని నదీమ్ చెప్పాడు. 'రూట్ బంతిని చక్కగా స్వీప్‌ చేస్తున్నాడు. దీంతో ఇబ్బందులు ఎదుర్కొన్నా. బంతి ఎక్కడ వేయాలన్న దానిపై బాగా కసరత్తు చేశా. అతడు పొరపాటు చేసేవరకు ఎదురుచూశా. చివారికి వికెట్ దక్కించుకున్నా' అని నదీమ్ వివరించాడు.

ఇదిలా ఉంటే మ్యాచ్ లో ఇప్పటి వరకు నదీమ్ 6 నోబాల్స్‌ విసిరాడు. దాంతో బౌలింగ్‌లో కొన్ని సాంకేతిక తప్పిదాలు ఉన్నాయని అంగీకరించాడు. 'నా బౌలింగ్‌లో కొన్ని సాంకేతిక తప్పిదాలు ఉన్నాయి. నెట్స్‌లో ఇంకా సాధన చేస్తున్నాను. అక్కడే నా తప్పులు దిద్దుకుంటాన'ని నదీమ్ అన్నాడు.

ఇక తొలి టెస్టుపై ఇంగ్లాండ్ పట్టు బిగిస్తోంది. ఇంగ్లీష్ కెప్టెన్ జో రూట్ 218 పరుగులతో అద్భుత ఇన్నింగ్స్ ఆడాడు. అతడితో పాటు ఓపెనర్ సిబ్లీ 87, స్టోక్స్ 82 రాణించారు. దీంతో ఇంగ్లాండ్ తొలి ఇన్నింగ్స్ లో 578 పరుగుల భారీ స్కోరు చేసింది. అనంతరం బ్యాటింగ్ కు దిగిన భారత్ కు ప్రారంభంలోనే ఎదురు దెబ్బ తగిలింది.

రోహిత్ శర్మ 6 పరుగులు మాత్రమే చేసి ఔట్ అయ్యాడు. ఇక మరో ఓపెనర్ గిల్ కూడా 29 పరుగులు చేశాడు. ఇక ఆ తర్వాత రహానే(1), కెప్టెన్ కోహ్లీ(11) కూడా నిరాసపరిచారు. అయితే పుజారా(73) పంత్(91) జట్టును ఆదుకునే ప్రయత్నం చేశారు. అయితే పుజారా అవుట్ తర్వాత పంత్ వేగంగా ఆడేందుకు ప్రయత్నించాడు. కానీ 91 పరుగుల వద్ద అవుతాయి మరోసారి సెంచరీ మిస్ చేసుకున్నాడు. ఇక రెండో రోజు ఆట ముగిసే సమయానికి భారత్ 257/6 తో కష్టాల్లో ఉంది. అశ్విన్(8), సుందర్(33) క్రీజులో ఉన్నారు.