ఈ సారి అభ్యర్థులకు కేటాయించిన గుర్తులు ప్రత్యేక ఆకర్షణగా నిలుస్తున్నాయి. మంచం, కత్తెర, బుట్ట, గొలుసు, కుర్చీ, వంకాయ, కొవ్వొత్తులు, క్యారెట్‌, తాళం చెవి, బల్ల, పలక, తిరగలి, చేతికర్ర, చెంచా లాంటి అనేక గుర్తులను అభ్యర్థులకు కేటాయించారు.. ఆయా గుర్తులతో కాకుండా నిజమైన వస్తువులతో అభ్యర్థులు ప్రచారం చేస్తున్నారు. అలా తూర్పు గోదావరి జిల్లాలో ఒక అభ్యర్ధి మంచం మీద ఉండి ప్రచారం చేయడం సంచలనంగా మారింది. 

వివరాల్లోకి వెళ్తే కాకినాడ రూరల్ మండలానికి చెందిన రేపూరు గ్రామంలో సర్పంచ్ గా పోటీ చేస్తున్న తలాటం ధర్మరాజు ఎన్నకల ప్రచారాన్ని వెరైటీగా నిర్వహించి ఆ గ్రామస్థులకు వినోదాన్ని పంచారు. విషయం ఏమిటంటే పంచాయతీ ఏన్నికల సర్పంచ్ అభ్యర్థిగా పోటీ చేస్తున్న తలాటం ధర్మరాజుకు   మంచం గుర్తు వచ్చింది. అయితే  ఓటర్లను తన వైపుకు ఆకర్షించుకోవాలనే ఉద్దేశ్యంతో తనకు వచ్చిన మంచం గుర్తు పైన కూర్చుని వినూత్నంగా ధర్మరాజు రేపూరు గ్రామంలో ఎన్నికల ప్రచారం నిర్వహించారు. గ్రామస్తులంతా మంచం గుర్తుకు ఓటేసి అఖండ మేజారిటీ తో తనను గెలిపించాలని కోరారు. అయితే ఈ అంశం మాత్రం జిల్లా వ్యాప్తం గానే కాక రాష్ట్రవ్యాప్తంగా సంచలనంగా మారింది.