ఈరోజు రాష్ట్రపతి రామ్నాథ్ కోవింద్ చిత్తూరు జిల్లా పర్యటనకు వస్తున్నారు. అయితే ఆయనకు స్వాగతం పలికేందుకు ఆంధ్రప్రదేశ్ ముఖ్యమంత్రి వైయస్ జగన్ మోహన్ రెడ్డి కూడా తిరుపతి దగ్గరలోని రేణిగుంట విమానాశ్రయానికి వస్తున్నారు. ఇప్పుడు సీఎంకు స్వాగతం పలికేందుకు పెద్దిరెడ్డి రామచంద్రారెడ్డి రేణిగుంట విమానాశ్రయానికి బయలుదేరి వెళ్లారు. అయితే పెద్దిరెడ్డి ఈనెల 21 వరకు ఇంట్లోనే ఉండాలని ఎన్నికల సంఘం ఆదేశాలు జారీ చేసినా సరే ఆయన బయటికి రావడం ఇప్పుడు చర్చనీయాంశంగా మారింది. 

ఇక మరో పక్క ఎన్నికల సంఘం ఇచ్చిన ఆదేశాలను సవాలు చేస్తూ మంత్రి పెద్దిరెడ్డి దాఖలు చేసిన పిటీషన్ పై హైకోర్టులో వాదనలు కొనసాగుతున్నాయి. హైకోర్టులో పెద్దిరెడ్డి రామచంద్రారెడ్డి తరఫున ఆయన న్యాయవాది మోహన్ రెడ్డి వాదిస్తున్నారు. ఎన్నికల సంఘం తరపున ఆదినారాయణరావు వాదన వినిపిస్తున్నారు. అయితే రాష్ట్రపతి పర్యటనలో పాల్గొనేందుకు మాత్రం పెద్దిరెడ్డికి హైకోర్టు అనుమతి ఇచ్చింది. విచారణలో ఈ మేరకు అనుమతి ఇచ్చినట్లు తెలుస్తోంది. అయితే హైకోర్టు అనుమతి ఇచ్చిన దాని కంటే ముందే పెద్దిరెడ్డి రామచంద్రారెడ్డి రేణిగుంటకు బయలుదేరి వెళ్లారు. ఇక దీనికి సంబంధించి పూర్తి తీర్పు 12:00 తర్వాత ఇస్తామని హైకోర్టు చెప్పినట్లు తెలుస్తోంది.