అయితే నాగ శేషు రెడ్డి భార్యను చంపాడు అన్న విషయం తెలుసుకున్న వెనీలా తాను కూడా రైల్వే ట్రాక్ మీద ట్రైన్ కింద పడుకుని ఆత్మహత్య చేసుకుంది. ఇలా ఒకే ఊరికి చెందిన ఇద్దరు యువతులు ఒకరు ఆత్మహత్య, మరొకరు హత్య కాబడి మరణించడం చర్చనీయాంశమైంది. తన భర్త వివాహేతర సంబంధం తెలుసుకున్న నవ్య రెడ్డి అతని నిలదీయడం తోనే నిందితుడు ఈ ఘాతుకానికి పాల్పడినట్లు పోలీసులు వెల్లడించారు. భార్యను చంపేసి ప్రియురాలితో వేరే ఎక్కడికైనా పారిపోదామని నిర్ణయించుకున్న నాగ శేషు రెడ్డి ఈనెల 2వ తేదీన సత్తుపల్లి సమీపంలోని ఇంజనీరింగ్ కళాశాల వద్ద దింపి వస్తానని బైక్ ఎక్కించుకుని తీసుకు వెళ్ళాడు. అయితే ముందే భార్య కిచ్చిన జ్యూస్ లో నిద్రమాత్రలు కలిపి తాగించాడు.

 

ఆ తరువాత పెనుబల్లి మండలం కొత్తలంక పల్లి గ్రామ సమీపంలో ఉన్న కుక్కలగుట్ట వద్దకు తీసుకువెళ్లి నవ్య చున్నీ తోనే ఆమెకు ఉరేసి చంపాడు..అనంతరం ఆమె మొబైల్ ఫోన్ నుంచి ఆమె తండ్రికి తనకు బీటెక్లో బ్యాక్లాగ్స్ ఉన్న కారణంగా తాను చనిపోవాలని భావిస్తున్నానని ఒక మెసేజ్ సెండ్ చేసి అక్కడ నుండి జారుకున్నాడు. అయితే మరి ఏమైందో ఏమో పారిపోవాలి అనుకున్న వ్యక్తి పారిపోకుండానే ఉన్నాడు. తన భార్య మిస్ అయిందని పోలీసులకు కంప్లైంట్ ఇచ్చాడు. పోలీసుల విచారణలోఆమె శవం దొరకడం, చంపింది భర్తనే అని తెలుసుకుని అరెస్టు చేయడంతో అతని ప్రియురాలు భయపడి సూసైడ్ చేసుకుని చనిపోయిందని పోలీసులు పేర్కొన్నారు.